'Alqa' a new Kazakh newspaper

Originally uploaded by Asqat
Жұлдыз Әбділдә қайда кетті деп сұрау салушылар болса, тыңдаңыздар!

"Қазақ зиялыларына қапамын" деген Жұлдыз Әбділдә қазір "Алқа" деген журнал шығарады. Газетті қолға ұстап көргендер "Жылтыр газет" деп те жатыр. Алғашқы саны жарыққа шықты. Сатылымға түскен түспегенін білмеймін. Бір қызығы, газеттің соңында Жұлдыз гмейлдегі поштасын көрсетіпті :)

Нұрлан Ерімбетовтің "Айт-Паркінде" бүгін Айдос Сарым мен Алексей Лобанов (суреттері төменгі жазбада. Кімнің кім екенін түрлеріне қарап, ажыратқан боларсыңдар деп үміттенемін :) ) "Қазақстандағы елді-мекен атауларын өзгерту" тақырыбында пікірталас ұйымдастырды.

Жан-жақтан жамыраған орыстар, орыстілді қазақтар "Егер қала атаулары Қызылжар мен Кереку болатын болса, кетем" деп міндетсініп отыр. "Кетсе, кетсін", - дедім ішімнен. Бір қызығы олар Ресейге емес, басқа елдерге Канада, Токио ( Жапонияның астанасы. Бақытнұрға рахмет. )т.б. елдерге кетуді қалайды екен. Айдостың ойынша, орыстар қазір Қазақстандағы саясаттың қалай қарай құбылатынын түсінбей, қорқып, әрі-сәрі күйде отырған көрінеді.

Құдай-ай, он жеті жылдың ішінде бір шешімге келетін уақыт болды емес пе? Қазақтардың қожайын екенін мойындауға іштеріндегі көкірек жібермей тұр. Содан кейін бір ұнамағаны: "Неге айдаладағы қазақтар керекуліктер мен қызылжарлықтар үшін шешім шығару керек. Олар өздері шешім қабылдасын. Қала атауының қалай болғанын қалайды өздері шешсін" деген сөздер болды. Көкесі-ау, бұл біздің тарих емес пе? Қазақстанда орыс болып туу қиын екен, общым...Бәтір-ау, орыстардың санасына бұл қазақтың жері деген түсінік енді-енді жетіп жатыр. Тыпыршып жатқандары сондықтан.

Ben and Co

"Жаңаеуразияның" құпиясы

Кеше Еуропадан келген достарыммен кездестім. Қазақстан мен (Алматы-Астана), Қырғызстанға үш аптаға қыдырып келіпті. Ол жақтың жастары демалыстарын бір жылға алдын ала жоспарлап, сосын осылай ел-елді шарлап жүреді емес пе? Кеше кафеде жолыққан соң, қалта телефоннан сурет қана қондырып, толықтай жазу мүмкіндігі болмап еді. Олқылықтың орнын толтыру үшін жұмыстарымды ысырып тастап, осы жазбаны жазып отырмын. Ослодағы оқырманға мың сәлем!!!

Бэн "Жаңаеуразия" жобасын дүниеге әкеліп, жүзеге асырушылардың бірі. Негізі ой да, идея да осы Бэннен шыққан болатын. Отызға әлі жасы жете қоймаған жігіттің пысықтығына, табандылығына риза боламын.

"Бәрі де ойламаған жерден басталды", - дейді Бэн Алматының "Дербес" сырасын ұрттап қойып. Біз қазір "Льдинка" кафесіндеміз (Панфилов пен Бөгенбай батыр). Кісі қарасы аз. Мында көбіне сыра ішуге келетін тәрізді. Сонымен Бэн маған "Жаңаеуразия" құпиясын ашып берді.

"Ол кезде мен әскери борышымды өтеп жүргенмін. Тәрбиесі қиын, бұрын қылмыскер болған жасөспірімдерді қайта тәрбиелеу ісіне жұмылдырылдым. Сол жақта жүргенде интернет арқылы Орталық Азия туралы кітап жазып жүрген бір кісімен таныстым. Сөйтіп оған кітабын жасауға анау-мынауға қолғабыс еттім. Әскери борышым аяқталған соң, Берлиндегі университеттегі бір оқытушыдан (аты-жөні есімде қалмады) дәріс алдым"

Бэннің Орталық Азияға деген махаббатының оянуына дәл осы оқытушы себепші болды. Себебі бұл мұғалімнің академиялық білімі өте жоғары. Әрі қазақ пен қырғыз басшыларын өте жақыннан танитын, олардың саясатын қолдайтын кісі болып шықы. Тарихты, әсіресе тілді жақсы білген ол Бэн тәрізді білсем деген құштарлықтан көзі жанып тұрған жігерлі жасқа білгенімен бөлісуден аянбапты. Бұл кезде Бэннің университеттегі білімі де аяқталған. Сөйтіп, "Халық Банкіне": "Шетелдік студенттердің біліктілігін шыңдау бағдарламасы бойынша сіздерге барып, жұмыс істегім келеді", - деп хат жазады.

Бір күні "Құрметті Бэн, сіздің ұсынысыңың құп алынды. Біздің Банкке келіп, тәжірибеден өте аласыз" деген жауап келгенде қуанышымды шек болмады. Дереу билет алып, сапарға жиналдым. Армандаған Алматыны көретін болдым. Бірақ Алатаудың баурайындағы әсем қала мені қуанышпен қарсы алмады. Халық Банкіне келіп, хатты көрсеткенімде: "Кешіріңіз, біз тәжірибеден ешкімді өткізбейміз" деп менің олардан келген хатыма да назар аудармастан шығарып салды,

- дейді.

Осылайша Бэн екі апта уақытын үй іздеумен (Райымбектің бойындағы үйлердің бірінде тұрыпты) кетіпті. Билет пен Алматыға келу үшін жұмсалған барлық ақша құмға сіңген судай зая болды...

Германияға келген соң, ойлана-ойлана Ашық Қоғамды Дамыту Инстиутының "Шығыс-Шығыс" бағдарламасы негізінде "Жаңаеуразия" жобасын ұсындым.

Бала кезден бірге өсіп келе жатқан Олли (Шын есімі Оливер. Суретте оң сол жақтан бірінші) техникалық жағын мойнына алып, Прагадағы Ләйламен танысып, ақыры 2005 жылы осы жобаны бастады. Содан бері көп нәрсе өзгерді. Жобаға жыл сайын жаңа жастар келді. Бэн өзі болса, қазір Голландияда тұрады. Shell компаниясында жұмыс істейді. "Қазақстанға келіп жұмыс істеу үшін әдейі осы компанияға жұмысқа орналастым", - дейді ол.Суретте: Олли, Асхат, Бэн, Гарет, Саша, (түсірген Крист)

]]> http://urimtal.wordpress.com/?p=577 Mon, 14 Jul 2008 04:10:54 +0000 urimtal http://urimtal.wordpress.com/?p=577 Жаңаеуразияда өткен аптада төмендегідей жазбалар жарияланды.
1. Аймақтағы жас журналистердің ІІІ форумы - Қостанай қаласында өткен форумды облыстық әкімдік пен ҮЕҰ бірлесіп ұйымдастырды. Қостанай өңірінің журналистері қазақ тілінде блог жүргізудің жай-жапсарымен, сарапатамалық мақала жазудың әдістерімен танысты. (Бейнеүзік)
2. АҚШ конгресмендері Нұрсұлтан Назарбаевқа «Нобель» сыйлығын беру мәселесін қайыра көтерді - атты жазбаға пікір қалдырушылардың барлығы қазақ басшысына Нобель сыйлығының берілуін құптауда. Нұрғиса Ассылбеков: "Нұрекен алатындай еңбек сіңірді" деп санайды.
3. Шетелдіктер Астана туралы не ойлайды? - Астананың 10 жылдық мерейтойынан кейін шетелдік басылымдарға жасалған шолуда шетелдік журналист Астана мейрамы арқылы қазақ билігі халықты қазақтандыру саясатын тиімді жүргізді деген қорытындыға келген.
4. Астананың 10 жылдығына Боратты шақырту керек еді - ал американдықтар болса, Астана мейрамына Уитни Хьюстонды қандай ақшаға шақыртқанан әрі әдемі ғимараттардың қандай ақшаға салынғанын талқылауда.
5. Қазақтың екінші астанасына деген сағыныш - Ербол есімді қызылордалық өрен өзінің туған жеріне деген махаббатын баяндайды.

Күн ыстық. Нұргелді екеуміз түріктің кафесінен түскі ас іштік те, екіге бөлініп кеттік. Ол өз жұмысына ("Қостанай таңы" газетінде фототілші) мен Ыбырай Алтынсарин атындағы мұражайға бет алдым.

Мұражайға кіріп барсам, әскери форма киген әдемі бір келіншек отыр екен. Аса бір сақтық шарасын қажет ететін ғимаратқа кіргендей әсерленіп, мұражайда құнды бір деректер бар болар деген ой санамда жылт етті. Мұражайды аралау үшін 20 (жиырма) теңге төледім. Гид сұрап едім, 150 теңге деді. Сізге "қазақша гид керек пе?" деп, қызметші менен екі рет қайталап сұрағанын қайтерсің. "Иә" деп қазақша сөйлейтін гид сұрап тұрып алдым. "Суретке түсіремін" деп едім, алғашқыда "суретке түсіруге болмайды" деді де, сосын бір жаққа барып рұқсат сұрап келсе керек. "Әр сурет үшін 100 теңге" деді. Солай. Мұражайдан сурет түсіре алмадым. Пардон!

Мұражай екі қабаттан тұрады. Бірінші қабатында Ыбырай атамыздың салған алғашқы мектебінің макеті бар. Сосын архив құжаттары, суреттер. Құнды дерек жоқ. Гидтің сөзіне қарағанда барлық негізгі деректер Орынбор, Қазанда қалыпты. Бұл жерде тек көшірме құжаттары. Ал мұражай 1991 жылы ашылған. Екінші қабаты Мәриям Хакімжанова апайымызға арналған. Бәрінен де Ахмет Байитұрсұновтың соңғы сәтіндегі суретін көріп, тіксініп қалдым. Қорқынышты екен. Жүзі сұп-суық. Әдетте Ахмет атамызды көз әйнек кейіп, қара сақал-мұртымен бір қырындап қарап тұрған кейпін көріп үйреніп қалған едім. Мына суреті тым үйрейлі. Ең бастысы сақал-мұрты, көзәйнегі жоқ. Кәдігімгі жәл ату жазасының алдында түсірген суртке ұқсайды. Асыл алаш азаматы... Оның қасында Бейімбет атамыздың да суреті сондай. Бұрынғы шашы бір жағына қайырылып, күлімдеп тұрған Бейімбет емес...

Екеуі де (т.б. алаш қайраткерлері) Ыбырай мектебінен алғаш сауат ашқан жандар ғой. Екінші қабатында Мәриям апайымыздың тұтынған заттары. Кітаптары, алған марапат қағаздары. Шығарған өлеңіне арнап бір ән шығарған екен. Қасындағы үнтаспаға қарап, магнитафоннан тыңдайтын шығармын деп ойлап едім, магнитафон істемейді екен. Солай өлкетану мұражайына бүгін бара алмаймын. Қазір Алтынсарин ауданындағы "Сосновый бор" деген жерге барамын. Орман іші дейді. Ертең ол жақта Қостанай облысы жас журналистерінің форумы өтпек. Бір секцияны мен жүргіземін. Сәттілік тәлеп, дұға қылыңдар!

Қостанайдан жазған бұрынғы жазбаларым мына жерде.

1. 1. Қырғызстан президентінің өз сөзін қырғызша сөйлегені ұнады. Бірақ аудармашылар аудара алмай қиналып қалды.
2. 2. Иордания корольінің өз сөзін "Аллаһтың атымен бастағаны ұнады", бірақ аудармашының ол сөзді елемегендей, аудармағаны ұнамады.
3. 3. КТК журналистерінің мерейтойдан жүргізген тікелей репортаждары ұнады. Журналистер кідіріссіз бір тілден екінші тілге көшіп отырды. Жасандылық көп байқалмады.
4. 4. Қазақстан қызметкері Даниярдың "Қазақ елі" монументін ашу салтанатынына жүргізген репортажында "қазақстандықтар" деп емес, Қазақ халқы деген тіркесі сауатты қолданғаны ұнады.
5. 5. Нағиманың ән салғаны ұнамады. Шынайылықты көре алмадым.
6. 6. Дима Биланның "тәкаппарлығы, еркелегені" ұнамады.
7. 7. Соңғы күнгі өткен концерт алаңының безендірілуі ұнады. Күймен ашылғаны да орынды болды.
8. 8. Буйновтың сәтін тауып, Елбасыны бірінші болып, көпшіліктің алдында Елбасыны құттықтағаны ұнады.
9. 9. Уйтни Хюстонның ән салғаны ұнамады. Американдықтар да оны шақыртуға ақша қайдан алды деген сауал мазалап жатыр. Мені де...
10. 10. "Вестидің" Медведевтің Астанаға жасаған сапарынан берген репортажы ұнады.

Жаздың аптап ыстық күнінде Алматы көшелерінде жан-жағына алақ-жұлақ қарап, ғимараттарды суретке түсіріп жүрген туристер көзге жиі ұшырасады. Астананың мерейтойы, көрші Қытайдағы олимпиада ойындары, Қашаған дауы... бәлкім осы жайттар туристер легінің көбейюіне әсер еткен болар. Бұл жолы Қазақстанда саяхаттаған шетелдіктердің блогтарына шолу жасағанды жөн көрдім.(Суретте: Discovery арнасынан Бейбітшілік пен келісім сарайын көріп, әсерленген шетелдік блогшының коллажы)

Қазақстанға келетін болсаңыз, шай ішетініңізді ұмытпаңыз. «Шетелге саяхаттауға шыққандарға арналған кейбір кеңестер» атты жазбада осындай сөйлемдер бар. Бір-бірлеріне ақыл-кеңес бергенді, көргенімен бөліскенді ұнататын американдықтар «Егер үйдің иесі сізге шайды толтырып құятын болса, бұл іш те, тайып тұр деген сөз. Ал сыйлы қонағына бір қойды бауыздайтынын білесің бе?» деп риторикалық сұрақ қояды.

«Қазақтардың үйіне қонаққа баратын болсаңыз кішкене сыйлық ала барғаныңыз жақсы. Тәтті-пәтті дегендей. Тек алкоголь (арақ) апарушы болмаңыз»

деп кеңес береді.

Шетелдіктердің жазбаларының барлығында дерлік, Борат фильмімен салыстырулар жүріп отырады. Бұл Борат фильмін Батыстағылар үлкен қызығушылықпен тамашалағанын дәлелдейді. «Бұл жердің Бораттың фильміне ешқандай байланысы жоқ. Қазақстан бизнес сапар үшін өте қолайлы», – депті жоғарыдағы блогтың иесі.

Гуттерберт Брич-Томпсон мен Архибальд Куинтин атты неміс жұбы да өздеріне Қазақстанның ұнағанын айта келіп, көргендері мен көңілге түйгендері Бораттың фильміндегі оқиғаларға үш қайнаса сорпасы қосылмайтынын тамсана жазыпты.

«Біз бұл жерді өте әдемі жер екенін білмеппіз. Мүлдем Борат мырзаның бейнелегеніндей емес. Қымбат көліктер көшеге сыймай тұр. Мерседес, БМВ, GMC, Infiniti тәрізді көліктерді әдемі жүргізушілер айдап жүр. Әрине қымыздың да, шұбаттың да дәмін таттық. Бірақ онша ұнаған жоқ. Есесіне өзге тамақтар өте дәмді екен. Адамдар өте мейірімді. Бірақ тауарлардың бағасы өте қымбат. Сондықтан Қазақстаннан ертерек кетіп, сахатымызды Қырғызстанда жалғастырмақ ойымыз бар»,

– деп жазыпты

Әзірге мотоциклмен бір елді тұтас шарлап шығу біздің табиғатымызда жоқ болғанымен, американдықтар мұндайды өте жақсы көреді. Осындай байкерлердің бірі екі аяқты көлігімен өткен аптада Семей-Кереку (Павлодар)-Қарағанды-Қостанай-Орал өңірлерін шарлап шығыпты. «Қазақстан менің ойлағанымнан мүлдем басқа ел екен» деп өз күнделігіне осы сапарынан алған әсерлерін тізіп жазған. Қызық оқиғалардың бірі Кереку жолының бойында орын алыпты. Қап-қара болып киініп алған байкерді жергілікті полиция қызметкері тоқтатып, тергей бастапты. Американдық: "Менің бұл түрімді көріп, «террорист» деп ойлап қалған болар" деген күдігін жасырмады. Өзінің бес күндік сапарын түйіндеген байкер қазақтар туралы ойларын былай өрнектепті:

1. Қазақ батыр халық. Борат фильміне ешқандай қатысы жоқ.
2. Еңбекқор халық. Адам төзгісіз жағдайда өмір сүріп келеді. Географиялық тұрғыдан алғанда Қазақстан Австралияға көбірек ұқсайды.
3. Барлық жердегідей жақсы мен жаман араласып жатыр. Өте кедей бірақ әрқашан көмекке қол ұшын созуға даяр тұрған жандар бар. Ішіп алған жастар мен мүмкіндікті пайдаланып сенің мүлкіңді жымқырып кетуге даяр тұратын әйелдер де кездеседі.
4. Адамдар өте келбетті. Қазақтар өте әдемі екен. Шығыс пен Оңтүстік Азияның және Таяу Шығыстың халқына, моңғолдорға сәл келіңкірейді.

Бұдан басқа:

«Ислам мен Христиан діні бұл жақта басымдыққа ие. Дін ұстанушылардың өзара түсінісуі жақсы. Кеңес Одағында тәрбиеленгендер дінді онша қатты ұстанбайды. Халқына қонақжайлылық тән. Көшпенді мәдениетінен қалған дәстүрдің бірі - балаларын кішкентай кезінен үлкенді сыйлап, мейірімділікке тәрбиелейді»

деген де пікірлер бар.

«Қазақстан Батыс сарапшыларының көзімен». Вирджиния Постер есімді америка зерттеушісі әлемдегі бай елдердің мінез-құлқын өзінің зерттеу жұмысына тақырып етіп алыпты. Ақшасы көп адам қымбат та, бағалы заттарға үйір болады деген өмірдегі қарапайым қағидаға дәлел іздеген зерттеуші «Америкадағы африкандықтар мен латын-американдықтар азиялық американдықтар мен ақтарға қарағанда қымбат көліктер мен өзінің мансап-дәрежесін көрсетіп тұратын дүние-мүлікке құмар», – депті. «Алайда, Қазақстан тәрізді елдің қазіргі жағдайы маған түсініксіздеу, – дейді Вирджиния өзінің жазбасында. Батыс зерттеушілер жаңа "ақшалы" елдердің қатарына кіретін Қазақстанды өзгелерден бай мұнай-газ қоры ерекшелеп тұр. Қазақстан өзінің астанасын өзгерткенде де белгілі бір саяси мақсаттарды көздегені белгілі.

Астана қаласын құлпыртып, гүлдендіру үшін аты танымал архитекторларды қызметке шақырып, мұнаралы үйлерді, зәулім ғимараттарды тұрғыза бастады. Бұндай құрылыстар Дубай тәрізді елде салынса, қалыпты жағдай ретінде бағалауға болар еді. Ал қазіргі Астанадағы құрылыстардың көпшілігі несиеге салынып жатқаны таңқалдырады»

деген таңданасынтарын жасыра алмапты.

Көптеген шетелдіктерді тамсантып жатқан Астананың ғимараттарын көрсем деп армандап жүрген шетелдіктер көп екен. Солардың бірі monstercomments.com өз блогында «Бейбітшілік пен келісім сарайын» көрсем деген арманын суретпен бейнелепті.

«Өткен түнде Дисковери телеарнасын көріп отырып, осы ғимаратты көзім шалды. Бұл Бораттың келген елі емес пе? Бұл сарайға барып, көзбен көргім келеді», –

дейді блогшы өзінің «Армандаған сапарым: Бейбітшілік пирамидасы» атты жазбасында.

Өткенде пресс-конференция өткізді. Байқаймын спикерлердің барлығы дерлік қазақтың жігіттері. Қазақша десең, қазақша, орысша десең, орысша, ағылшын десең ағылшынша сақ-сақ етеді. «Ана тілінде» «Сеймар» басшысының бір сұхбатын да оқығаным бар. Өз сөзінде ол экономика жөйттердің қолында дегенді ашық айтқаны бар. Бірақ сол пресухадан (ренжіме, баспасөз мәслихаты ауызекі тілде өз арамызда кейде осылай аталып кетеді) кейін бір түрлі күдік алып қалдым. Күдіктен тезірек құтылмаса болмайды. Әрбір күдік харамға итермелейді деген бар емес пе?

Негізі екінші деңгейлі банк болғанымен қаржы қоржындары (кредитный портфель) онша бүліне қойған жоқ қой. Сыртқы қарыздарының көп бөлігін қайтарыпты. Енді жаңа бір өнім ұсынамыз дейді. Мәселен, кредит карточкаларына басымдық бермек. Басты артықшылығы кредитный карточкадан ақша алмасаң, ол өздігінен көбейіп өсе бермек. Енді пайыздық өсу болады деген сөз ғой. Осы сөзді естігенде банктен көңілім суып кетті. Қарсы алдымда доңыздың етін жеп, майын қолымен сүртіп тұрған біреу елестеп кетті.
Харам емес пе? Карточкадағы ақшаның үстіне өздігінен пайыздар қосылып, ақша өсетін болса, бұл карточканы мұсылмандар қайтып тұтынбақ? Харам еместі харам деп айту дұрыс еместігін білемін. Осы жазбаны оқығандар аталған мәселеге қатысты дұрыс бір жауап бере алса, жөн болар еді...

Төмендегі жазбаны Ruslannnn пікір ретінде жазыпты. Мен бөлек жазба ретінде орнатып отырмын. Ешкім ренжи қоймас.

Қорқынышты жағдайды елестетіп жіберді ғой.
Қараңғы түн. Блогтарға жазуға болатын уақыт аяқталғандықтан, елдің бәрі ертеңгі сағат 9-ды күтіп, ұйқыға кеткен. Бүкіл елдің компьютерінің сөніп, ешкімнің блогтарда "қыдырыс" жасамауын қатаң қадағалап тұрған қарулы күзетшілер...
Прожектор жарығы жетпейтіндей, ағаш арасындағы қараңғылықты пайдаланып, бір көлеңке бұқпантайлап, күзетшілер көзіне түспеуге тырысып кетіп бара жатыр.
- Тоқта, атам! - деген дауыс естілді. "Біткен жерім осы екен" деп ойлаған Самат екі қолын көтеріп тұра қалды.
"Ағатай, үйіме кетіп бара жатыр едім, жұмыста компьютер жөндеймін деп қалып қойыппын, тез арада үйге бару керек болғасын, қараңғыда кетуге мәжбүр болып отырмын, жібере қойшы..."
Күзетшінің бірінің жүзінде жылулық бар екен, кезінде өзінің осылай, компьютер клубтарында контр-страйк ойнап, милиция рейдіне ұсталып қалмау үшін, қашқалақтап жүретіні есіне түсіп, мырс етті де, "Жылдам кет мына жерден, балақай, қазір Блог Цензоры өзі тексеріп жүр, бірақ үйіңе бар!" деп, баланы босатып жіберді.
Сәкең аздап өтірік айтты, әрине. Жұмыста отырып қалғаны рас, бірақ ол үйіне бара жатқан жоқ еді, алда оны Блоггерлер Қозғалысының кездесуі күтіп тұрған еді..
Келісілген пәтерге келіп, есікті әуелі үш рет, сосын бір рет, сосын тағы да екі рет қақты.
- Бұл кім?
- Қоқыс тасушы, бүкіл әлемдік торды тазартып жүрмін..
Тағы да бірнеше шартты сөздермен алмасқан соң, ар жақта сыбыр-күбір естілді де, көзілдірік киген жігіт есікті ашты.
- О, Самат, қош келдің, тезірек кір ішке, - деп, сыбырлай сөйлеп, Саматты ішке өткізіп жіберді де, ішінен кілттеп алды. Есікті мықтап кілттеп, ішкі есікті де жапқасын ғана, Саматтың көзі пәтер ішіне үйренісе алмай тұрғанын байқап, Асхат мониторды қосты. Самат сонда ғана байқады - бөлме ішінде үш компьютер қатар жұмыс жасап тұр екен, жаңа бұл есік қаққанда сөндіріп үлгерген болуы керек. Асхатты бұрыннан таниды, Ұлы Цензура басталғанға дейін, талай блог-конференцияларда бірге болып жүрген, одан кейін Самат астыртын блогшылармен байланысы үзіліп
қалған болатын. Терезе алдында отырған қыздың да түрі таныс сияқты көрінді... Ааа, бұл Айко ғой! Ия, кәдімгі 666Айко999 деген атаққа ие болған партизан қыз, дәл өзі! Ал анау... анау тұрған Арсенал777 мен Техносиндром ба? Самат тап бұларды осы пәтерде кездестірем деп ойламап еді...

ЗЫ. Обшым, шығарма желісін ары қарай ойластыра беріңіздер, мен принтерді жөндеп қайтуым керек болып қалды...

Власти Казахстана осуществляют мониторинг личных страниц и блогов после обещания казахского министра информации Ермухамета Ертысбаева очистить сайты страны от "грязи" и "лжи".

Қазақ министрі Ермұхамет Ертісбаевтың елдің сайттарын "лас" пен "өтіріктен" тазартамын деген уәдесінен соң, Қазақстан билігі жеке парақшалар мен блогтарға мониторинг жүргізе бастады.

Министр тағынан кетті. Жаңасы келді. Бірақ басталған іс аяқсыз қалмаған болар...

«Қыздардың дауысы өте әдемі екен. Тамаша хабар дайындапты, сәл-пәл жасандылық болмаса…»

деп өз пікірін қалдырды.

Интернет Альтернатива" басталды. Кісі деген өте көп. Әсіресе таныс блогшыларды кездестіріп қуанып қалдым. Жаңа ғана Бекжанды көрдім. Сұхбат беріп жатыр екен.

Бірінші секция "Интернет және Үкімет" деп аталды. Дискуссия жасалмады. Мені бәрінен бұрын еліміздегі заңдар бойынша барлық сайттар БАҚ ретінде қарастырылатыны таңқалдырды. Блогымыздағы шалыс кеткен әрбір қадамымыз үшін БАҚ туралы заң бойынша жазаланады екенбіз. Құдай бетін аулақ қылсын!

Мен бұйртса, түстен кейін Қазақ блогтарын таныстырамын. Аконың башпайларын көрсетемін :)

2. ҚТЖ Қытай вагондарының ылаңы – атты бейнехабарда елді дүрліктерген Қытай вагондарымен саяхаттаған қазақ журналистер «Вагонның денсаулыққа еш қаупі жоқ», - дейді.

3. “kz” доменiн пайдаланушылар аздық етеді… - белгілі журналист Есенгүл Кәпқызының мақаласы блогшылар тарапынан талқыға түсіп, Жанарбек өз сөзінде:«яндех.ру-ға отандық іздеу моторын жасату Үкіметтің үлкен қатесі болып қала береді», - деді.

4. Америка блогшысымен кездесу - Өрімтал қазақ даласын шарлап жүрген америка блогшысымен кездесіп, ол блогшы мен Айконың арасындағы құпия байланысты зерттеуге тырысуда.

5. Кредитті қайтармау сәнге айналып барады – Шымкенттің тұтас бір ауылы банктен алған кредиттерін қайтармай отырған көрінеді. Осы жағдай қазақ банкирлерінің бас қайғысына айналды.

Алматыда посткеңестік елдердегі интернет мәселесі талқыланбақ

Алматыда 24 маусым күні посткеңестік елдердегі интернетті дамытуға арналған «Интернет-Альтернатива 2008» атты халықаралық конференция өтеді.

«Интернет-Альтернатива 2008» конференцияның басты мақсаты: мемлекеттік құрылымдар, коммерциялық емес ұйым мен бизнес арасында байланыс орнату. Конференцияға бірнеше елдерден қатысушылар келетіндіктен бұл өз кезегінде тәжірибе алмасуға жәрдемдесетіні сөзсіз.

… толық мәтін (орыс тілінде)

Дереккөзі: CNews

1. Аптаның 7 жазбасы: блогосферадағы азаматтық бұлқыныс  - Бұл жазбада өткен апта ішіндегі қазақ блогшыларының жазбаларына шолу жасалған

2. Ескене-Құрық “Шевронның” назарында  - Шетелдік басылымдар негізінде әзірленген жазбада инвесторлардың қазақ даласындағы мүддесі сөз болады

3. Қазақ басшысы жайлы Reuters-тің ойы  - Астана қаласы атауын өзгертуге байлагысты дау-дамайды шетелдіктер өздерінше түйсініп, қабылдапты. Толығырақ осы жазбада.

4. Бір дегенім - білім  - Қазақ тілін балаларға үйретуге арналған кітаптың бейне таныстырылымы

5. Хасен Қожа-Ахмет елден кетпекші  - Өзін ұлтшыл ретінде танытып жүрген Хасен Қожа Ахмет мәлімдемесін жасады

Бақытнұр және Аршат блоктарынан файорфоксың рекордтар кітабына енуге ниет танытып жатқаны туралы жазбаны оқып, «Қатысу керек» деп ойлап жүр едім. Әне-міне дегенше уақыт та өтіп кетіпті. Жарты сағат бұрын Бауыржан досымнан хат келді:

osynda Kazakhsatn belsendiligi jagynan afrika elderimen, mongolyamen katar tur 1000 ga 15 shakty otinish jetpei tur

қайтсе болады

блоггерлерге айтасыз ба шамалы өтініш жазып 1000 нан асырайық, мен Firefox - қа емес Қазақстан Африкамен қатар тұрғанына жаным ашып тұр»

депті. Қазір дереу тіркегелі отырмын. Тіркелдім. Негізі «Firefox» шолғышының интернетті қазақ тілінде тұтынатындар үшін пайдасы үлкен. Әсіресе қаріп мәселесіне келгенде. Аршат өз блогында Файрфокстің құдыреті жайлы жазған еді. Ағайын, Африканы басып озамыз десек, сәл белсенділік танытайық. Pledge now деген түймені түртесіз де, Kazakhstan деп елдің атын көрсетіп, э-поштаңызды енгізсесіз. Енді аз ғана жетпей тұр екен...

Қырқып қой: Бүгін қоғамдық көліктегі жолақыға байланысты баспасөз мәслихаты өтеді. Кеше Мақпал өз блогында бүгін жастар осыған орай наразылық акциясын ұйымдастыруы мүмкін екендігін жазған еді. Жаңалықты пресухадан пресс-конференциядан келген соң айтармын, ИншАллаһ!

Жаңа ғана Қатарымызға үш төрт блогшы қосылды, ағайын!

Құттықтаймын.

Сонымен олар:

Абат, Асқар, Арай, Алтынай

Толығырақ Жаңаеуразияда

Осылайша жол бойы көргенім мен көңілге түйгенімді сол блогқа жариялап отырдым. Былайша айтқанда, пойыз ішінен мобильді репортаж жасадым :)

Енді міне, Ақтөбеге келіп, (Ерлан мен Аршатқа көп рахмет) қонақ үйден интернет таппай отыр едім. Содан қалта телефонды ақтарып көрсем, оны ноутбукке қосып ақ, интернеттке кіруге болады екен. Осы жазбаны солайша жазып отырмын.

Егер Сіз қалта телефоныңыз арқылы блог жүргізгіңіз келсе, мына мәлімет Сізге пайдалы болады д.о.

• Телефоныңыздан go@blogger.com мекен жайына MMS немес email жолдаңыз
• Блогыңыз ашылды деген хабар және клейм код (кілт сөз тәрізді) жауап келеді
• Бұдан соң қалта телефоныңыз арқылы жазба орната бересіз.
• Телефоның СониЕриксон маркасы болса (барлық түрі үшін емес),суретті блогқа орнатқанда автоматты түрде ашылып, жауап келеді.
  

Сәттілік тілеймін.

Пы.Сы. Қытай пойызында екі күн жүріп келіп, аман-есен оралдым. Денім сау. Еш жерім ауырған жоқ. Сенбі күні ИншАллаһ, «Қазақ тілінде блог жүргіздің қыр-сыры» деген тақырыпта семинар тренинг өткіземін. Қатысамын десең, хабарлас.

Қызық... Осыдан санаулы ай бұрын тек блогын ғана оқып: "Қандай адам, тілі неткен әдемі", - деп отырушы едім. Енді міне қарсы алдымда отыр. Алматыдағы қым-қуыт шаруаларының арасынан бірер сағатын менімен кездесуге арнапты. Респект!

Адамдармен кездесуге барғанда мына тақырыпта сөйлесемін, мынаны сұраймын деп нақтылап алатының болады да, дәл сол кісімен кездескенде басқа тақырыпта әңгімелесіп, әлгі сұрағың тасада қалатыны болады. Сондай бір сұрағымды сұрай алмай қалдым деп, жолда ойланып келдім. Кәсіби аудармашы ретінде "Блогшы" дегеніміз жөн бе, әлде "блоггер" ме? Біріміз блогшы, енді біріміз блоггер деп жүрміз.

Қымбатты Оқырман!

Қазақ блогсферасының тек қана оқырмандары арасына қойылған сауалнамаға қатысып, блог қоғамындағы өз орныңызды айқындаңыз. Бар болғаны Сіздің 2 минут уақытыңызды алатындықтан, ЖурналистикА_Блогинг блогына жарияланған сауалнамаға дауыс беріңіз.

Сауалнама мұнда!

Өте қызық, Өте қызық, Өте қызық!

PS: Сауалнама жүргізуші Әлия Сембай (фотоны қараңыз).

Менімен бірге сырласып, мұңдасып, қуанып жүрген, оқырман!

Өкінішке қарай Сені жақыннан танымаймын. Алайда үнемі оқып, кей сәттерде пікір білдіріп тұратыныңа қуанамын. Сенің кез келген пікірің мен үшін құнды да, маңызды екенін жақсы білетін боларсың.

Блогым одан әрі, қызық та пайдалы болсын десең, Арсенал777-дың блогындағы сауалнамаға жауап беріп, қазақ блогосферасының дамуына үлесіңді қосуыңды сұраймын.

Өрімтал

Суретте: sitemeter диаграммасында осы блогтың оқырмандары

қай елден екені көрсетілген

Биылғы көктемнің ішіне бүккен сыры көп деп айтпап па едім. Кеше сондай бір тосын сыйлыққа ие болдым. Айтсам ешкім сенбейтін шығар.

"Дастархан" блогын жүргізетін Ақбантик есімді блогшы өз қолымен кешкі сағат 20.00-21.00 арасында Алматыдағы Жібек жолы мен Қонаев көшелерінің қиылысында маған кореяның фирменный футболкасын сыйлады. "Ол дегенің Жанарбектің келіншегі емес пе?" дейтін шығарсың. Дәл солай. Жанарбек, Бақытнұр, Ақбану үшеуі Дүйсенбі күні Кореядан Алматыға келді. Бүгін Кеше бірнеше қазақ блогшылар солармен кездесіп, дидарластық. Әлһамдулиллаһ! Мәссағандасатын да күн бар екен.

Негізі жұмыстан кеш шығып, кешігіп келдім. Кешіккенім үшін Ақзере мен Жаннадан, Бақытгүл мен Нұргүлден, Қуаныш пен Жомарттан, Ақбану мен әпкесінен, Бақытнұр мен Жанарбектен кешірім сұраймын.

Қазақ тілінде блогты дамыту, Қазақстандағы саясат, Назарбаев, сөз бостандығы біз әңгемеге тиек еткен тақырыптардың бір сыпырасы ғана. Кездесудің басты мақсаты виртуалды достардың жүздесуі болатын. Бақытгүл "Мәссағандықтарға" Award07-де жеңіп алған жүлденің марапат қағазын табыстады. Жанарбек екеуміз қатар отырған соң, ұзағырақ сөйлесу мүмкіндігіне ие болдым.

Кореядағы қазақтар, мұсылмандар өмірі көбірек қызықтырған соң, сол жағынан көп сұрақ қойдым. Сөйтсем, 11 қыркүйек оқиғасынан соң Кореяда ислам дінін қабылдаушылар саны өскен екен. Жанарбек жеке өзі Сеулдегі үлкен мешітте сол оқиғадан соң мұсылманшылықты қабылдаған екі кәріспен таныс екен.

Қыздар жағы үстелдің екінші шетінде отырған соң, олармен көп әңгімелесе алмадым. Бірақ келесі жолы сөзсіз олармен де әңгімеміз жарасар деп ойлаймын.

Ақзере дәл мен ойлағандай бейнеде болып шықты. Бақытнұрмен чаттасқанда бір екпін сезілетін. Жүзбе жүз кездескенде сол динамизм қатты байқалады. Әйтсе де әлі "біліспіз" ғой. Таныс болған соң, бір бірімізбен ашық сөйлесерміз деген үміттемін. Ақбану әл-Фараби университетінің журналистика факультетінің түлегі екен. Ортақ таныстарымыз көп болып шықты.

Кафеден шыққан соң, түнгі Алматының төменгі жағында біраз серуендеп қайттық. Ақбантик суретке түсірді. Фотоаппаратымның қуаты пресс- конференцияда бітіп қалғандықтан бір сурет қана түсіре алдым. Аллаһтың қалауы солай болған шығар.

Бірақ үшеуі де ашық реңктегі, бізде сатылымда көп кездесе бермейтін үлгідегі киімдер киіп жүргенін айта аламын. Үшеуінен де көңілді бір леп есті. Көптен танитын бір танысың ойда жоқта көшеде кездесіп қалғандай әсерде қалдым.

Пы.Сы. Мен енді оларға не сыйлаймын деп ойлап жүрмін. Егер Сіз Мәссағанның жетекшілерімен кездессеңіз не сыйлар едіңіз?

Күтпеген кездесулер болып тұрады. Бүгін Кеше Solai.de атты қазақ тілінде тез танылып келе жатқан жастар порталдарының ұйымдастырушыларымен кездестім. Қалта телефоныма ес емес жеткен еді. Қателеспесем Бекжаннан келді ғой деймін. Әлде Аршаттан ба? Сөйтсем, Көңілашардан келген екен :) Алматыға семинарға келген екен. Қызық қылғанда, бір семинарда бас қостық. Майкрософт жаңа өнімдерінің таныстыру үшін журналистермен АйТи мамандардың басын қосқан еді.
Маратхан мен Алмас Атыраудың белсенді жастарының бірі. Интернет технологиямен әуелде жай ғана қызығушылықпен бастап, оның соңы қазақ жастарына арналған арнайы бір порталдың дүниеге келуіне әкелді.

"Порталдың белсенділігі артқан сайын өзімізге жүктеліп отырған жауапкершілікті айқын аңғарудамын"

дейді Маратхан. Еркін отырып әңгімілесерміз деп ойлап едім, бірақ әу бастан әңгімені салмақты да өзекті тақырыпқа бұрғандықтан емін-еркін ашылып сөйлесе алмадық. Өзімнен болды. Кездескен беттен адам қазақ тілінде интернетті дамыту мәселесін сөз қылушы ма еді? Бірақ қазақ тілінде интернет бағдарламаларды дайындау мәсәлесіне қатысты айтылған ойлары өте ұнады.

Біздің әңгімеміз көбіне үш салада өрбіді.

1. "Солай денің" мақсаты мен келешегі
2. Атырауда семинар ұйымдастырудың жай-жапсары
3. Қазақ тіліндегі Интернеттің дамуы мен жігіттердің болашақ кәсіптері.

Алмас Атырауда блогқа байланысты тренинг өткізуге ұсыныс жасады. Қуана-қуана келістім. Бірақ жол шығыны өте қымбат екен. Әзірге барар бармасым белгісіз болып тұр. Өткен Бейсенбіде ғана КазГУ дегі студенттерге үнхабар мен бейнехабар жасауды үйреткенім бар еді. Аз ғана күннің ішінде көп нәрсе өтті басымнан.

1 . Табағанда журналистердің 3 күндік тренингі өтті

2. КазГУ-де тренинг өткіздім

3. Үнді Орталығы өткен аптада АйТи білім беру туралы семинар өткізді

4. Бүгін Майкрософт жаңа өнімдерін таныстырды

5. Ертең АйТи мен білім беру жүйесіне қатысты конференция өтпек.

Осы орайда гуглдың ридер бағдарламасы маған көмекке келді. Өзімнің сүйікті блогтарыма жазылу арқылы жаңаланған жазбаларды қадағалап отыратын болдым. Ең жақсысы, бұл қызметті электронды пошта арқылы қолданамын. Ал поштаны интернетке кіргенде бірінші кезекте тексеретінім белгілі.

Сонымен үш адыммен бұл бағдарламаны қалай қолдануға болатындығын көрсетейін. Ең маңыздысы гмейлде э-поштаңыз болуы қажет.

1. Қалаған блогыңыздан Жазулар RSS деген түймені тауып алып, түртіңіз.

2. Add to Google reader түймесін шертіңіз!

3. Құттықтаймын! Блогтағы жазбаларға жазылдыңыз.

Төменнен бұл адымдардың суретті нұсқасын көре аласыз.
Жоғарыдағы суретте көрсетілгендей, гмейлдегі поштаңызды ашқанда gmail, caledars, photos, reader деген сөздер тізбегін көресіз (жоқ болса, more деген түймені басып іздеңіз). Егер бұл жазылу қолайсыз болса, мына бір ұсынысқа назар аударып көріңіз.