Ny anjara fanentanana Malagasy ao ambany fitarihan’ny Sampana Tanora Lausanne [STL] izay antokom-pihira ao anivon'ny fiangonana iraisam-pinoana Fiangonana Kristiana Malagasy eto Soisa sy ny Manodidina, [FKMSM], dia :

- ao amin'ny la Bourdonnette, amin'ny 20:00 ora ka hatramin'ny 20:15 ora alina [fotoana eo amin'ny arrêt metro TSOL "la Bourdonette" | Musiques d'ailleurs, dieny 18:00 ora, Centre œcuménique de la Bourdonnette >>], avy eo dia miara-mizotra ...

- any amin'ny fiangonana La Sallaz, amin'ny 21:15 ora ka hatramin'ny 21:30 ora alina [fotoana eny an-toerana dieny amin'ny 20:45 ora alina]

- mbola ao amin'ny fiangonana La Sallaz ihany, amin'ny 22:45 ora ka hatramin'ny 23:00 ora alina [Aux rythmes de l'Afrique, Festival de chorales africaines, dieny 19:00 ora -> 01:00 ora, La Sallaz >>].

« Tsy miova Jesosy » [Tsy miova Jesosy hatramin'ny taloha, fa izay sitrapony dia tanteraka avokoa ...] Vonjy sy Fara Andriamamonjy | Isaorana an'i masombahiny

Misy rindrakira hiderana an’Andriamanitra andraisan’ny mpanakanto Kristiana Malagasy Vonjy sy ny tarika Ny Ako anjara, ny Asabotsy 5 Aprily 2008, manomboka amin’ny 20:00 ora alina atao any Collonges-sous-Salève [Chapelle du Campus Advantiste du Salève, chemin du Pérouzet 33, 74160-Collonges-sous-Salève, FR].

Io hetsika io dia karakarain’ny Sampana miteny Malagasy eto Léman, anivon'ny Mpiara-mamaky ny Baiboly [Ligue pour la Lecture de la Bible, section malgache du Léman] izay mankalaza ny fijoroany [filankevitra sy famandrihana +33 4 50 32 25 64 |+33 6 28 20 10 82 | +33 6 42 51 94 77].

Tsy misy vidim-pidirana.

[flyer >>]

[Andian-drindran-kiran'Ny Ako 2008 (Soisa | Frantsa | Belzika | Hôlanda | Angletera : 27.03.08 - 27.06.08) - nyakoeneurope.free.fr >>]

Mitaky ny fiaraha-mientan'ny tsirairay, satria tsy mitsahatra mitombo ny isan'ireo maty, ireo nanjavona, ireo maratra, ireo tsy manan-kialofana ary tra-boina vokatry ny fandalovan'ireo rivomahery roa nifanesy, Fame sy Ivan tany Madagasikara.

Ny Fiangonana Kristiana Malagasy aty Soisa sy ny Manodidina [FKMSM] dia hanatanteraka fampiratiana sary, lahatsoratra sy tatitra an-gazety, lahatsary sy lahapeo hampahalalana ireo tapaka sy namana izay vaovao farany voaray mikasika ny takaitra vokatr'ireo rivomahery ireo, ny Alahady 2 Martsa 2008, manomboka amin'ny 14:30 ora ao amin'ny fiangonana Servette [Av. Wendt 55, Genève]. Harahina fotoam- pivavahana Ekomenika izany fotoana izany, dieny amin'ny 15:00 ora.

Ireo izay tsy afaka hiombona amin'izany fotoana izany anefa te handray andraikitra amin'izany fiaraha-mientana izany, dia afaka mandrotsaka izay fandraisany anjara ao amin'ny CCP 10-27500-5 “Mention : cyclones Fame et Ivan.”

[Cyclone - informations et culte œcumenique - fkmsm.ch >>]

Ny Fiangonana Protestanta any Onex miravaka hoan'ny « Hetsika hoan'i Madagasikara », Genève

Isan'ireo mpahazo vaovao mikasika izay hetsika momba an'i Madagasikara aty Soisa aho, ary matetika manatrika. Voalohany aloha dia tsikaritro fony aho tonga taty fa marobe ny vaovao mikasika an'i Madagasikara izay tsy fantatro. Izany hoe mba manitikitika ny eritreritro ny hahalala [curiosité]. Faharoan'izay raha sendra lohahevitra mba efa fantatro indray aho dia misy elanelany matetika amin'ny fomba fijerin'ny hafa. Ka dia mbola fianarana ho ahy koa izany.

Nanatrika ny fotoam-pivavahana protestanta vazaha izay nandraisan'ny antokom-pihira Malagasy Valihan’i Jehovah anjara tany Onex [Genève] aho androany Alahady 27 Janoary 2008. Io dia tafiditra tao anatin'ny Alahadin'ny Misiona izay ankalazain'ireo Fiangonana Protestanta miteny frantsay aty Soisa isan-taona.

Ary toy ny mahazatra dia fotoana azahoana tatitra mikasika ny an'i Madagasikara ireny fotoana ireny noho ireo tetikasa roa izay misahana ireo osa indrindra eo anivon'ny fiaraha-monina Malagasy dia ny zaza sy ny 4'mi [“fampianarana hoan'ny zaza rehetra” | “toby Fifampandrosoana ho fanohanana ireo 4'mi” fiaraha-miasa amin'ny Fiangonan'i Jesoa Kristy eto Madagasikara, na FJKM].

Nahafinaritra ny fotoana. Tanora Katekomena [mpianatra ho mpandray] avokoa no nandray fitenenana. Nameno ny fiangonana [sady nanarona ireo vazaha maro an'isa ;) ] ny feon'ireo Malagasy vitsy an'isa [indrindra ny antokom-pihira :D ]. Rehefa hadiva hifarana ny fotoana, taorian'ny fisaorana mitafotafo hoan'ireo rehetra nanomana sy nandray anjara nahalavorary ny fotoana, dia nanasa ny mpiangona rehetra Ramatoa mpitandrina : “Aorian'ny fotoana dia asaina amim-panajana isika hizara dite amina lavanila, mba hiombonantsika amin-kafanana araka ny fanaon'ny Malagasy” marihina fa sady nanjavona be no -5° C ny mari-katsiaka taty androany.

Nony nandray fitenenana hamaly izany fisaorana izany ny solontenantsika Malagasy [antokom-pihira] dia hoy izy “Rehefa mihevitra ny mponina aty Soisa izahay avy any Madagasikara dia mino fa misesika sôkôla maraina, atoandro, hariva ianareo. Noho izany dia nitsiky anaty aho raha nilaza ny momba ny dite amina lavanila fisotron'ny Malagasy Ramatoa pastora teo satria na dia renivohitra eran-tanin'ny lavanila aza i Madagasikara, dia zavatra tsy fahita na fampiasan'ny sarambabem-bahoaka ny lavanila nohon'ny halafosan'ny vidiny ...” :D vaky hehy ny iray fiangonana ... moa izaho mahita hotaterina indray androany ...

Tiré à plus de 27'000 exemplaires, le journal VP est un mensuel d'information distribué à tous les membres de l'EPG [Eglise Protestante de Genève - epg.ch >>].

L'artice à été reproduit avec l'aimable autorisation de l'auteur, quant à l'image qui est celle qui illustre l'article original, les droits demeurent la propriété de la FKMSM.

La communauté œcuménique malgache FKMSM*, passerelle entre les cultures du Nord et du Sud

L’Eglise chrétienne malgache de Suisse [ndlr Fiangonana Kristiana Malagasy eto Soisa sy ny Manodidina, FKMSM] relie ses membres à Madagascar, tout en privilégiant les échanges avec les communautés locales.

L’histoire de la communauté œcuménique malgache de Suisse commence avec l’arrivée des premiers Malgaches à Genève et Lausanne dans les années 1960. Ceux-ci, pour la plupart étudiants et fonctionnaires internationaux, ressentent assez rapidement le besoin de se retrouver pour partager des activités sociales et notamment célébrer un culte en malgache. Dans un premier temps privées, ces réunions évoluent pour déboucher en 1985 sur un culte public à la paroisse de la Servette à Genève. Cette année là, la fête de Noël organisée par la communauté permet à tous de se rencontrer et de partager des nouvelles du pays. Il est décidé suite au succès de cet événement de se réunir un dimanche par mois. Aujourd’hui, le culte a lieu deux fois par mois, en alternance entre Genève et Lausanne.

Bien que majoritairement protestante, l’Eglise chrétienne malgache se veut œcuménique et ouverte à tous ceux qui croient en Jésus Christ. Elle respecte la confession de chacun et leurs habitudes : que ce soit dans les chants, les prières ou d'autres aspects cultuels. Cette ouverture d’esprit se manifeste par la pratique de l’hospitalité eucharistique. La communauté se veut vivante et dynamique. « Chez nous les petits courent dans les églises » confie le pasteur Arintsoa. Deux chorales témoignent de la richesse de la culture malgache. Elles reprennent des chants religieux typique de Madagascar lors de leurs représentations à travers la Suisse. Si l’Eglise Protestante de Genève (EPG) héberge la communauté pour tenir ses cultes, celle-ci fonctionne de manière totalement indépendante. Cependant, ses membres sont encouragés à participer à d’autres cultes et à intégrer les Eglises locales.

Malgré ses faibles moyens l’CCMSE [ndlr Communauté Chrétienne Malagasy en Suisse et aux Environs ou FKMSM] participe à plusieurs projets de développement à Madagascar. Ces microprojets visent notamment à aider financièrement la formation de nouveaux pasteurs, mais aussi à soutenir la population après le passage de cyclones ou encore à construire des aires de jeu pour enfants et des terrains de sports.

Questionné sur l’avenir de la communauté, le pasteur Arintsoa se veut optimiste. « Nous avons eu dans le passé des passages difficiles mais nous nous sommes toujours relevés. Tant que les gens auront un besoin de spiritualité, nous serons là pour les accueillir. »

Marius Tschopp, journaliste.
Initialement publié sous la rubrique “Communautés étrangères” par la VP, décembre 2007, page 30
[vie protestante - vpgeneve.ch >>]

[*CCMSE ou FKMSM | Fiangonana Kristiana Malagasy
eto Soisa sy ny Manodidina - fkmsm.ch >>]

« Valihan'i Jehovah mihira any Taizé », sary nadika tamin’i taize.fr >> Tsindrio eo amin'ny sary hanalebiazana azy

« Parmi les communautés africaines de Genève.
Des choeurs de Madagascar du Cameroun et du Congo présentent des chants de leurs célébrations.
14:45, Geneva Palexpo, halle 1-2 »

Io no fehezanteny tsotra nampahalalana ity fanentanana anivon'ny ny fihaonam-be Ekomenika Kristiana faha-30 karakarain’ny Taizé eto Genève [30e Rencontre Européenne de Taizé à Genève] izay natao androany Asabotsy 29 Desambra 2007 tany amin'ny Geneva Palexpo ity, anefa dia marobe tokoa ireo tanora nanatrika, mihoatry ny 1'000.

« Valihan'i Jehovah manoloana tanora miisa 1'000 mahery », sary nadika tamin’i taize.rsr.ch >>

Nifandimby nampiseho santionany amin'ny fomba fiderana an'Andriamanitra an-kira ny Kôngôley, ny Malagasy [ny antokom-pihira Valihan’i Jehovah] ary ny Kameroney. Naharitra ora roa ny fotoana.

Mialatsiny aminareo mpamaky aho fa tsy manana sarin'ireo Malagasy mihira tafavoaka tsara aho [tsy ampy hazavana sady lavitra] ka dia voatery nindrana ireto an'olona ireto. Fa ny an'ny Kameroney kosa mba nisy nazava ihany [miakanjo maitso sy misaron-doha amin'ireo sary eo ambany]. Na dia izany aza dia nahafinaritra ny fotoana, tamana be ny mpanatrika mandre feo vaovao sy fomba fihira samihafa, korana be no nisarahana teo.

Hoan'izay tsy afaka nanatrika androany dia ampahitsahivina fa mbola averina izao hetsika fanentananana izao ny Alatsinainy 31 Desambra 2007 amin'ny 14:45 ora. Aleo tonga aloha mba tsy ho lavitra loatra ny sehatra satria tena marobe mihitsy ny mpijery ;) torohevitra ihany ny ahy.

Vaovao farany araho ao amin’ny blaogin’ny ‘Taizé à Genève’ [taizegeneve.blog.tdg.ch>>] sy ny raki-tsary ao amin’ny vohikalan’ny haino aman-jerim-pirenena ‘Radio Suisse Romande’ [taize.rsr.ch >>]

Maro hoy aho ny olona satria araky ny ny isa farany napariaky ny mpandraharaha dia zatovo miisa 30'000 38'477 ireo nisoratra anarana itadiavana mpampiantrano raha hanatrika ny fihaonam-be Ekomenika Kristiana faha-30 karakarain'ny Taizé manomboka omaly Zoma 28 Desambra 2007 eto Genève [30e Rencontre Européenne de Taizé à Genève].

Arak'io ny lisitra apariaky ny tompon'andraikitra io dia misy 46 tsy ‘fanta-pihaviana’ ka dia 45 izany sisa satria voavaly sahady ny fanontaniana fa misy Malagasy amin'ireo mpanatrika. Mazava ho azy fa mety misy ireo Malagasy mandray anjara no mizaka ny zom-pirenena vahiny.

Vaovao farany araho ao amin'ny blaogin'ny ‘Taizé à Genève’ [taizegeneve.blog.tdg.ch>>] sy ny raki-tsary ao amin'ny vohikalan'ny haino aman-jerim-pirenena ‘Radio Suisse Romande’ [taize.rsr.ch >>]

Efa nanomboka tonga ny sasantsasany amin'ireo zatovo miisa 30'000 izay hanatrika ny fihaonam-be Ekomenika Kristiana faha-30 karakarain'ny Taizé eto Genève, ny Zoma 28 Desambra 2007 ka hatramin'ny Talata 1 Janoary 2008 [30e Rencontre Européenne de Taizé à Genève]. Isaky ny faran'ny taona tokoa dia manasa ireo zatovo mba hivondrona amim-bavaka amin'ny tanàn-dehibe iray ny Taizé ary dia miangavy ny mponina mba hampiantrano ireto mpitsidika.

Io hitanareo eo ambony io ny tapakila metrô natotan'ireo orinasam-pitaterana RATP sy SNCF izay nozaraina tamin'ny mpivory raha tany Parisy no natao ny fihaonam-be faran'ny taonan'ny Taizé, taona 1994.

Hatry ny ela no efa nivonona amin'ny fandraisana sady efa somebiseby ery ireo fiangonana rehetra eto Genève sy Frantsa manodidina. Ny 300 amin'ireo zatovo 30'000 no hampiantranoan'ny mpiara-miangona amin'ny faritra misy anay. Ny sasany nandray tanora 5 ny sasany 2, arakarak'izay halalaky ny trano. Tsy voatery hanana fandriana ny mpandray fa ladina an-tany dia efa mety sady ireo mpilasy koa dia efa mivonona amin'ny fitondrana kidoromaivana (azo ahorona na abostina amin'ny rivotra).

Ny tontolo andron'ny Zoma 28 Desambra 2007 rehefa avy nozaraina ny sarintanin'i Genève, sy ny tapakilan'ny fitateram-bahoaka ary ireo tapakilan'ny fisakafoana dia atoron'ny mpiandraikitra azy ireo ny zotra tokony horaisiny mankany am-piangonanay. Dieny maraina ka mandritra ny tontolon'ny andro dia dia hisy namana hitsena azy ireny any amin'ny fiantsonan'ny fitanteram-bahoaka sy hitarika azy ireo hatrany am-piangonanay.

Efa vonona ao am-piangonana indray ny vatsy maivana azahoany maka hery sy mihinana sakafo mafana alohan'ny ahatongavan'izay haka sy hampiantrano azy.

Mizara roa ny fotoan'ny mpilasy, ny fotoam-pivavahana any amin'ireo fiangonam-paritra (isaky ny maraina) sy ny fihaonam-be fivoriana sy sakafo iraisana any amin'ny tranoben'ny Geneva Palexpo [ilay fanaovana fampiratiana fiarakodia malaza eto Genève]. Marihina fa ny alin'ny faran'ny taona “réveillon” dia hataon'izy ireo am-bavaka any amin'ireo fiangonana isam-paritra ;)

Isan'ireo mandray anjara amin'ny fanentanana ny antokom-pihira Malagasy Valihan’i Jehovah mba hijoro vavolombelona hampahafantatra izay fomba fiderana ataon'ny tanora Kristiana Malagasy ny tolakandron'ny :
- ny Asabotsy 30 Desambra 2007 amin'ny 15:00
- sy ny Alatsinainy 31 Desambra 2007 amin'ny 15:00
samy any amin'ny tranobe malalaky ny Palexpo avokoa.

Sady miarahaba tratry ny Krismasy Sambatra ary dia efa mirary sahady taom-baovao 2008 finaritra hoan'ny tsirairay.

Tantara fohy: noforonin'i Frera Roger tamin'ny taona 1940, izay Pastora avy eto Geneva ny “communauté de frères de Taizé.” Mandava-taona dia aman'alina ireo tanora mirohotra mankany Taizé, Bourgogne, [any Frantsa ora roa avy eto Genève] mba hiara-mivavaka. Taizé dia sehatra fihaonana manokana amin'ny maha Ekomenika azy ka mampifandray ireo tanora avy amin'ny lafy valon'ny finoana Kristiana, samihafa fihaviana, samihafa fiteny, mba hiaraka indray mitady fomba hiraisam-peo ankalazana an'andriamanitra. Ny tanjon'ny Taizé dia ny hanampy amin'ny fandehanana amin'ny lalan'ny fifampihavanana indray, ka ny famoriana ireo tanora hihaona no fitaovana ampisainy. Maty novonoina Ramatoa tamin'ny tombok'antsy nandritra ny fotoam-pivavahana tamin'ny 16 Aogositra 2005 i Frera Roger ka i Frera Alois no mpandimby azy.

[Taizé - Genève - taize-geneve.ch >>]

[Fampahitsahivana farany hoan'ireo mpilasy - taize.fr >>]

Toy ny taona roa lasa teo aloha, dia hotanterahina amin'ny teny frantsay ravahina hira Malagasy ny fotoam-pivavahana Krismasy Sasak'alina ao amin’ny fiangonana protestanta Servette [Genève], ny Alatsinainy 24 Desambra 2007 :

- amin’ny 7 ora hariva, sakafom-pifaliana, ao amin’ny centre paroissial de la Servette, Genève [irina ho azo alohan’ny Alakamisy 20 Desambra 2007 ireo famandrihana toerana amin’ny sakafo | filankevitra +41 79 776 09 66],
- amin’ny 22:50 ora alina, fotoam-pivavahana sasak'alina andraisan’ny antokom-pihira Malagasy Valihan’i Jehovah anjara, ao amin’ny fiangonana protestanta Servette [Servette-Vieusseux, avenue Wendt 55, Genève, CH],
- toy ny fomba mahazatra dia mifarana amin'ny fizarana “vin chaud” ny fotoana.

Tsy misy vidim-pidirana.

flyer >>

Ity herinandro ity koa no anokafan’ny antokom-pihira Malagasy Sampana Tanora Lausanne ny diariny amin'ny fandraisana anjara amin'ny hetsika sy fotoam-pivavahana izay karakarain'ny « Terre Nouvelle », ny Alahady 14 Oktobra 2007, manomboka amin’ny 08:45 ora maraina ao amin’ny fiangonana protestanta Sévelin [avenue de Tivoli 74, Lausanne]:
- amin’ny 08:45 ora maraina, sakafo- maraina sy fotoana ifanakalozana ho fanohanana trano fitaizana zaza kamboty any Antananarivo [fandraisana anjara 6.- CHF],
- amin'ny 10:00 ora maraina, fanompoam-pivavahana andraisan'ny antokom-pihira Malagasy Sampana Tanora Lausanne anjara,
- 11:10 ora atoandro, fiaraha-miala hetaheta sy resaka ifanakalozana ary varotra madinika natokana hamoriam-bola hoan'ny tetikasa 2007.

Ny fandrisihana ho amin'ny fanamafisana sy fandalàna ny resaka ifanakalozana no nofidin’ny DM-échange et mission sy ny EPER [oeuvre d’entraide des Eglises protestantes suisses] ho tanjon’ny tetik’asany mandritra ny taona 2007: « resaka ifanakalozana : tandrovy fa marefo » [Dialogue: attention fragile pdf >>]. Raha i Madagasikara no tena notohanana tamin'ny taon-dasa, ny faritr'i Libanona, sy Israely ary Palestina kosa amin'ity taona 2007 ity.

Tamin'ny taona 1877, no nanombohan'ny «Imprimerie de la Mission norvégienne». Fanontana printy ireo boky fivavahana tamin'ny teny Malagasy no antom-pisiany, isan'ireo nimasoany hatrany am-piandohana koa anefa ny fanaparitahana fitaovana amin'ny teny Malagasy amin'ny alàlan'ireo gazety izay natontany «Ny sakaizan’ny tanora» [1878, Sakaizan'ny ankizy madinika], «Ny mpamangy» [1882], «Sekoly alahady» [1936].

Tamin'ny taona 1974 no natolotry ny Misiona Norveziana sy Amerikana ny Malagasy ny fitantanana ka Andriamatoa Abela Arnesa ary avy eo Ingahy Randrianantoandro Raymond [1993] no tale nifandimby tamin'ny TPFLM.

Lohatenin-boky 250 isan-taona no atontan'ny TPFLM ankehitriny izay mitoetra eo Antaninarenina [ambonin'ny kianja maitson'Antsahamanitra any Antananarivo] ary hatramin'ny nampihodinana ny milina dikamprinty tonga lafatra vaovao Heidelberg Print Master 742 izay manamprinty taratasy 12'000 isan'ora, manomboka amin'ity taona ity dia tanjona ny hampiakatra ny isan'ny boky vaovao avoaka ho avo telo heny, mba hahatratra 750 lohateny isan-taona.

Marihina fa ny TPFLM dia miaina amin'ny toetr'andro ka namoaka tamin'ny 2003 ny « Disksionera TPFLM » amin'ny CD-ROM [fampiasa amin'ny solosaina PC (ordinateur)] vokatry ny fiaraha-miasa amin'ny « Cabinet Andraina Project Ltd ».

Amin'ny andron'ny blaogy sy ny Internet, ary na dia nampitomboina isa ho telo aza ny fiteny ofisialy fampiasa any an-tanindrazana dia tsy mivoina amin'ny foto-kevitra ijoroany ny TPFLM fa mbola mihevitra ny maha-zava-dehibe ny fanomezan-danja ny teny Malagasy amin'ny alalan'ny fanontana boky amin'ny teny Malagasy madio. Noho izany dia mbola isan'ireo tanjony foana ny mamporisika ny Malagasy handala sy hitia hatrany ny tenin-drazana satria iaraha-mahalala fa « ny sary sy ny feo mandalo fa ny soratra mitoetra ».

[Terre Nouvelle - dmr.ch>>]

Ireo Land any alemaina dia lovan'ireo faritra nanjakan'ny andriana fahiny. Tsahivina fa tamin'izany fotoan'andro izany dia izay finoan'ny Andriandahy no finoan'ny vahoaka [la confession du prince est la confession du peuple]. Miavaka kosa ny taty Genève izay efa tamin'ny fomba demokratika no nisafidianan'ny vahoaka ny hanarahany ny fombam-pivavahana vokatry ny fampianarana Reformasiona. Vao notsahivina tamin'ny herintaona ny fankalazana ny jobily faha-470 taonan'izany fanapahan-kevitra izany, ary nohon'ny hamaroan' ny mpandray anjara dia nihevitra ny Fiangonana Protestanta eto Genève ny hanatanterahana izany fankalazana izany matetitetika kokoa.

Tamin'ny Alahady 21 May 1536 tokoa mantsy no lany amin'ny fomba ara-dalàna amin'ny alàlan'ny fifidianana ara-tsanga- tànana, nandritra ny fivorian'ny « Conseil général » fa hanaraka ny Reformasiona ny mponina eto Genève. Marihina anefa fa efa sivy volana talohan'io, ny 10 Aogostra 1535 no efa « nivadika ny rasa » satria nahaton'ny « Grand Conseil »-n'ny Genève ny fanaovana lamesa teto an-tanàna.

Efa taona maro mifanesy izao no mandalo fahasahiranana mafy ireo Fiangonana Protestanta eto Genève nohon'ny fihavitsian'ny mpiangona, etsy ankilany kosa dia mirongatra ireo fiangonana Kristiana maro samihafa na amin'ny fiteny na amin'ny fombam-pivavahana samihafa izay entin'ny « mpiavy ». Tsahivina fa eto Genève no misy ny « Conseil œcuménique des Églises » [COE >>] izay karazana ONU-n'ny fiangonana Kristiana rehetra eran-tany, sady misy koa ireo birao iraisam-pirenena marobe [ONU, OMS, BIT, CICR, UIT, ...] hany ka manankarena amin'ny fahasamihafana sy ara-kolotsaina nohon'ny hamaroan'ny fihavian'ny mponiny avy amin'ny lafy valon'izao tontolo izao ny tanànan'i Genève.

Isan'ireo fiangonana 70 nahazo fanasana ny Fiangonana iraisam-pinoana Malagasy FKMSM. Tsahivina fa ny fankalazana voalohany izay notanterahin'ny fkmsm.ch >> dia ny Noelin'ny taona 1985 ary dia tsy mitsahatra mandrak' ankehitriny.

Maro ireo hetsika niarahana manomana toy:
- ny « alim-bavaka » izay ifandimbiasan'ny fiangonana 20 manentana, tanterahina ny Zoma 18 May 2007 mifoha Asabotsy maraina 19 May 2007 >>,
- ny antsam-panahy izay andraisan'ny antokom-pihira avy amin'ny lafy valon'izao tontolo izao anjara, izay atao ny Asabotsy hariva 19 May 2007 >>,
- ny fotoam-pivavahana isam-paritra mi-isa 30 mahery iombonan'ireo fiangonana mifanolo-bodi-rindrina ny Alahady 20 May 2007 >>, amin'ny 10:00 ora maraina,
- ny fiaraha-misakafo iraisam-pirenena aorian'ireny fotoam-pivavahana isam-paritra ireny,
- ny filaharam-be avy amin'ny lafy efatry ny tanàna mananika ny « Cathédrale Saint-Pierre »,
- ary mifarana amin'ny fanompoam-pivavahana iombonana sy iraisam-pirenena izay hotanterahin'ireo fiangonana rehetra nandray anjara, ny Alahady 20 May 2007 >>, amin'ny 15:30 ora tolak'andro ao amin'ny « Cathédrale Saint-Pierre ».

Ny lohahevitra « hiaraka hijoro vavolombelona » [témoigner ensemble] izay banjinina amin'izany dia mba:
«- hampibaribary ny haren'ny fahasamihafan'ireo Kristiana maro eto Genève,
- hanamafy ny fijoroan'ireo Fiangonana nentin'ny "mpiavy" anivon'ireo mpiara-monina eto an-tanàna,
- hampifandray bebe kokoa ireo samy Kristiana sy hiaraka hijoro vavolombelona ny fikasana miaraka hoan'ny fandriam-pahalemana » [Montrer la diversité de la présence chrétienne à Genève. Affirmer la visibilité des communautés étrangères dans notre cité. Nouer des liens et témoigner ensemble de notre volonté d’œuvrer en faveur de la paix].

Ny hoe Reformasiona moa dia azo adika hoe fampivoarana na fanavaozana. Araky ny hevitro dia tena ao anatin'izany fireha-kevitra izany no ankalazana ity fety ity satria VOALOHANY IZAO ETO GENÈVE no misy hetsika lehibe manao be faoka ireo fiangonana rehetra tsy misy fanavahana izay Fiangonana « vaventy » sy madinika, na vaovao sy tranainy, na izay fihaviana, na fiteny, na fombafomba mahasamihafa ny olombelona :D

[Fête de la Réforme: honneur aux étrangers! - lecourrier.ch >>]

- Amin'ny 14:30 tolak'andro dia mifamotoana ao amin'ny « parc des Bastions » eo anoloan'ny « Mur des Réformateurs » miaraka amin'ny firenen-kafa ny Malagasy. Avy eo no hilahatra hitanjozotra hizohy ny « Cathédrale Saint-Pierre » ny mpiangona. Marihina fa avy amin'ny afy efatry ny tanàna dia hisy mpilahatra avokoa.

- Amin'ny 15:30 tolak'andro dia hofaranana amin'ny fotoam-pivavahana iraisam-pirenena iombonan'ireo fiangonana Kristiana rehetra nandray anjara tamin'ny fankalazana ny fetin'ny Reformasiona eto Genève, ao amin'ny « Cathédrale Saint-Pierre ».

Izany dia tafiditra ao anatin'ny fankalazana ny nifidianan'ny vahoaka ny Reformasiona teto Genève tamin'ny alalan'ny tsanga-tànana izay natao ny Alahady 21 May 1536.

Tsy misy vidim-pidirana.

Ny anjara fanentanana Malagasy dia ny Zoma alina manomboka amin'ny 20:00 ora ka hatramin'ny 20:30 ora alina ao ambany fitarihan'ny fiangonana iraisam-pinoana Fiangonana Kristiana Malagasy eto Soisa sy ny Manodidina, [FKMSM].

Ora Mpanentana

18:00 Fiangonana Loterana [Eglise luthérienne]
19:00 Fiangonana advantista [Eglise adventiste]
20:00 Fiangonana Kristiana Malagasy eto Soisa [FKMSM, Eglise œcuménique chrétienne malgache de Suisse]
20:30 « Redeemed Christian Church of God »
21:00 « Eglise nationale du Seigneur Jésus Christ»
22:00 « Communauté œcuménique de Béthanie »
22:30 « Eglise évangélique de Pentecôte »
23:00 « Hour of grace »
23:30 Fiangonana Kimbagista [Communauté kimbanguiste]
24:00 « Eglise protestante/Animation des jeunes en Eglise »
« Eglise protestante/Paroisse Troinex-Veyrier »
24:30 « Eglise presbytérienne du Caméroun »
01:00 « Assemblée Dieu Nova Canaan »
02:00 « Centre Pleroma »
03:00 « Comunidad cristiana latino-americana »
04:00 « Full Gospel »
05:00 « Outreach deliverance center »
06:00 « Eglise protestante/Paroisses des Pâquis et de la Servette »
06:30 « Eglise libre/Paroisse des Buis »
07:00 « Eglise évangélique méthodiste »
08:00 Firavana

« Fijoroana vavolombelona » no loha-hevitr'ity fankalazana ity ary fikasana ny hilahatra hamakivaky ny tanàn'ny Fianarantsoa am-pilaminana saingy nafohezina izany filaharana izany mba tsy afahana manome endrika politika izany fivoriana izany, ny daty rahateo mifanojo amin'ny fahatsiarovana ny faha-35 taonan'ny 13 Mey 1972 ka mety misy ireo manararaotra izay olona vory maro.

Tena maro tokoa ireo mpiangona, ary na dia malalaka aza ny trano fiangonana vaovaon'Ivory-Avaratra dia tsy omby nampidirana ireo vahoaka sesehena izay nirohotra hanatrika izany fotoana izany fa voatery nijanona teny ivelany ny ankamaroany. Nikatona avokoa mantsy ireo fiangonana Loterana tamin'ny faritry Fianarantsoa noho ity fotoan- dehibe ity.

Naharitra ora maro ny fotoana nohon'ny hamaroan'ireo solontena iraisam-pirenena izay nandray anjara fitenenana. Marihina fa nandefa solontena ihany, fa tsy nanatrika ity fotoana ity ny filoham-pirenena izay nitodi-doha ho any Shangaï omaly.

Tantara fohy: ny taona 1867 no nanomboka niasa tany amin'ny faritry Betafo, Antsirabe ny Misiona Loterana Norveziana [Det Norske Misjonsselskaps, NMS]. Ny taona 1888, tao ambany fiadidian'ny NMS no nanombohan'ny misiona Loterana Amerikana [Evangelical Lutheran Church of America, ELCA] ny asany tany Taolagnaro kosa. Tao Fianarantsoa no natambatra ho iray ho Fiangonana Loterana Malagasy [FLM] ireo fiangonana vokatry ireo misiona roa ireo.
Mihoatra ny 3 tapitrisa [millions] ankehitriny ireo mpikambana ao amin'ny FLM, ary mandratsana hatrany Frantsa sy La Réunion amin'ny alalan'ny FLMF [FLM aty Frantsa] izy ankehitriny. Nanomboka tamin'ny taona 1950, ny FLM dia isan'ny mambran'ny Fiangonana Loterana Eran-Tany [Lutheran World Federation, LWF | Fiangonana 140 | Firenena 78 | Kristiana mahatratra 66.7 tapitrisa (millions)].
Ny FLM dia miara-miasa akaiky amin'ny Fiangonan'i Jesoa Kristy eto Madagasikara [FJKM] ao anivon'ny Fiombonan'ny Fiangonana Protestanta Malagasy [FFPM]. Ary isan'ireo fiangonana efatra nanorina ny Fiombonan'ny Fiangonana Kristiana Malagasy [FFKM] izay iarahany amin'ny Fiangonan'i Jesoa Kristy eto Madagasikara [FJKM], sy ny Eglizy Katolika Romana [EKAR] ary ny Eklesia Episkopaly Malagasy [EEM].

Manomboka amin'ny 11:00 ora maraina amin'ny adi-hevitra, sy fifanakalozana ary fiaraha-misakafo ny fotoana ao amin’ny Salle polyvalente Saint-Symphorien [74 350 Andilly, FR | filankevitra sy toro-làlana +33 6 28 20 10 82 | +33 4 50 92 74 60].

[flyer >>]

[Sampana Vehivavy ao amin'ny FPMA - svkfpma.free.fr >>]

Ny tena ‘ni-impressioné’ ahy androany ka isan'ireo rakitra hotsarovako dia ny fahanginana nandritra ny ‘vavaka mangina’ niarahan'ireto olona 40'000 ireto nanao. Tsapa ho tena misy firaisantsaina tokoa na dia samihafa fihaviana sy fiteny sy foto-pinoana aza ireto mpilasy [Prôtestanta, Katôlika, Ôrtôdôksa, Evanjelika sns ...].

Ny hanotrona ny antokom-pihira Malagasy Valihan’i Jehovah anefa no tena anton-diako tany Geneva Palexpo, fa satria tonga aloha aho dia afaka nanatrika ny tapany farany amin'ny fotoam-pivavahana tamba-be nataon'ny mpilasy androany Asabtsy 29 Desambra 2007 nandritra ny fihaonam-be Ekomenika Kristiana faha-30 karakarain’ny Taizé izay nanomboka omaly Zoma 28 Desambra 2007 eto Genève [30e Rencontre Européenne de Taizé à Genève].

Izaho aloha tsy nanandrana sakafo fa arak'izay hitako momba ny resaka filaminana sy fahadiovan'ny toerana ivoriana, dia azo ambara fa tena manana traikefa amin'ny fikarakarana hetsika rodobe tokoa ry zareo ;)

Vaovao farany araho ao amin'ny blaogin'ny ‘Taizé à Genève’ [taizegeneve.blog.tdg.ch>>] sy ny raki-tsary ao amin'ny vohikalan'ny haino aman-jerim-pirenena ‘Radio Suisse Romande’ [taize.rsr.ch >>]

Mbola eny ivelany dia efa misy manondro izay toerana ahafahan'ireo tanora misoratra anarana sy mahafantatra izay toeram-pivantanany ireo zatovo maro hanatrika ny fihaonam-be Ekomenika Kristiana faha-30 karakarain'ny Taizé manomboka androany Zoma 28 Desambra 2007 eto Genève [30e Rencontre Européenne de Taizé à Genève].

Ny sasany amin'ireo tanora toy ny avy Letônia dia efa an-dalana telo andro maninjitra [3 jours de voyage] ka ny famatsiana ara-sakafo aloha no maika vao manaraka ny fisoratana anarana. Misy kosa Frantsay avy any Aveyron [viaduc de Millaut] izay nanofa fiarabe [dia 8 ora + natory tamin'ny ‘gymnase’ 60km alohan'i Genève] ka avy dia mitanjozotra any amin'ny birao fisoratana anarana.

Tanora avy any Slovakia izay mbola valaky ny dia kosa ireto amin'ny sary eto ambany ireto. Ny mpiangona avy eto Genève no manotrona sy mamatsy, manatitra ‘tarte’ ny sasany, mandroso kafe mafana ny sasany, mandika teny amin'ny finday ny sasany ;)

Nisokatra androany tamin'ny 16:00 ora tany Palexpo ny fotoana. Ary raha te hahafantatra bebe kokoa dia aza misalasala ny manaraka izay vaovao farany ao amin'ny blaogin'ny ‘Taizé à Genève’ [taizegeneve.blog.tdg.ch>>] na koa raki-tsary ao amin'ny vohikalan'ny haino aman-jerim-pirenena ‘Radio Suisse Romande’ [taize.rsr.ch >>] mikasika izay antsipirian'ny fivoriana.

Raha miampita ny arabe dia toy izao kosa ny endriky ny fiangonana Protestanta Plan-les-Ouates [laharana GC02] ivelany sy anatiny eo am-pandraisana ireo zatovo maro hanatrika ny fihaonam-be Ekomenika Kristiana faha-30 karakarain'ny Taizé manomboka androany Zoma 28 Desambra 2007 eto Genève [30e Rencontre Européenne de Taizé à Genève].

Ny alitara io a io, ary araky ny hitantsika dia nesorina avokoa ny dabilio fa nosoloana ‘tapis’ araka ny fomba fanaon'ny Taizé. Voalohany, maro kokoa ny olona afaka miditra ao am-piangonana, faharoa ‘relax’ mandritra ny fivoriana fa izay te hijoro dia mijoro, ary izay te hipetraka dia mipetraka ... amin'ny tany.

Na dia izany aza, dia misy dabilio manodidina vitsy ihany hoan'ireo be antitra izay hanatrika ny fotoam-pivavahana amin'ny Alahady 30 Desambra 2007 izay hatao isam-paritra.

Satria maro ny olona dia am-piangonana no apetraka ny entana vao mivadika ao amin'ny efitrano vadim-piangonana amin'ny fisoratana anarana sy sakafo vatsy maivana ary fiandrasana izay mpampiantrano hitarika.

[paroisse protestante de Plan-les-Ouates - protestant.ch/direct/plo >>]

Miravaka toy ireo hitanareo ireo ny tanànan'i Genève sy ny faritry Frantsa manodidina ho fanoroan-dalàna ireo zatovo miisa 30'000 38'477 izay hanatrika ny fihaonam-be Ekomenika Kristiana faha-30 karakarain'ny Taizé manomboka androany Zoma 28 Desambra 2007 eto Genève [30e Rencontre Européenne de Taizé à Genève].

Tany Plan-les-Ouates androany no nalaina ireo sary ireo, misy fiangonana roa Protestanta sy Katôlika izay elanelan'ny arabe fa miara-miasa akaiky kosa mba hampiantranoana ireo tanora miisa 450 zaran-tranon'ity faritra ity. Ny fiangonana Saint-Bernard izay mitondra ny laharana GC24 no hitantsika io ambony io.

Efa ela kosa no miraka toy izao ireo trano fiangonana maro mba hampahitsahivana ireo mponina eran'ny tanàna mba hisoratra anarana amin'ny fandraisam-bahiny. 450 ireo tanora zaran-tranon'ny faritra Plan-les-Ouates. Misy fianakaviana sasany mandray vahiny hatramin'ny tanora dimy, arakaraky ny halehiben'ny trano ihany.

Mba hahamora ny dian'ireto mpilasy dia miravaka sorabe toy ny hitantsika eo amin'ny sary io ambany io ny fiantsonan'ny fitateram-bahoaka, ankoatr'izay efa hitantsika amin'ny vavahadim-piangonana : mirary ‘tongasoa’ amin'ny fiteny maro. Efa vonona ny mpandray vahiny fa dia miandry sisa ;)

Azonareo arahina amin'ny blaogy antàna-maro [collaboratif] ny fizotr'izany hetsika izany. Marihina fa azo alefa amin'ity adresy manaraka ity cequejecrois (amin'ny) taizegeneve.blog.tdg.ch.

[blog de taizé à Genève - taizegeneve.blog.tdg.ch>> | tout un chacun peut publier un billet sur ce blog. Soyez concis, pertinents, courtois et signez votre message. Il suffit de l’envoyer à cette adresse cequejecrois (at) taizegeneve.blog.tdg.ch]

[Eglise catholique romaine de Plan-les-Ouates - cath-ge.ch >>]