auglysingar « WordPress.com Tag Feed

Má bjóða yður dálítið meira sjókólaði, herra minn?

kolkrabbinn — Wed, 14 May 2008 00:20:42 +0000

Það er gaman að velta fyrir sér spurningunni:
Hvað ef hlutirnir hefðu þróast á annan veg en þeir gerðu.
Ja, þá segðum við til að mynda "sjókólaði" á svona "elegant"
og fágaðan máta í staðinn fyrir hið jarðbundna og hversdagslega orð "súkkulaði"

Eftirfarandi auglýsingin birtist í Eimreiðinni árið 1896:

Hið bezta sjókólaði
er frá verksmiðjunni "Síríus" í fríhöfninni í Khöfn. Það er hið drýgsta og næringarmesta og inniheldur meira af kakaó en nokkur önnur sjókólaðitegund.

Veröldin er þó hvorki alsvört né alhvít og orðin falla ekki fullþroskuð af himnum ofan. Benda má á að safn Orðabókarinnar geymir ýmsar birtingarmyndir af þessu tökuorði frá því um aldarmótin 1900: "súkkulade", "sukkulade", "sukkulaði".

Á vellinum

annatheodora — Wed, 07 May 2008 09:14:37 +0000

Þessi nýja fótbolta- eða fótboltaskóauglýsing eftir Guy Ritchie er býsna skemmtileg. En á ÞúTúpunni sér maður náttúrlega ekki nema reykinn af réttunum.

Luncheon meat

Inga Þóra — Wed, 31 Oct 2007 22:44:35 +0000

Ég þurfti að eyða einni færslunni á þessu bloggi í gær eða fyrradag. Ég var að fá u.þ.b. hundruðustu tilkynninguna um svona "spam" komment á henni þrátt fyrir að ég hefði skrifað hana fyrir meira en ári síðan. Það nefnilega loksins rann upp fyrir mér ljós. Ég hafði verið að tala um auglýsingar um stinningarlyf sem að gengu þá í fjölmiðlunum og nefndi á nafn tvær þekktar tegundir stinningarlyfja. Það hefur komið "spam" botunum til og þeir haldið að ég vildi vita um bestu dílana á slíkum lyfjum.

Mér hefur fundist "spam" frekar fyndið fyrirbæri þó hvimleitt sé (reyndar mæli ég með gmail til að losna við mesta ruslið, spam filterinn hjá þeim virkar og hann tekur ekk óvart alvörutölvupóstinn). Maður veltir fyrir sér hverjir í ansk. kaupa sér stinningarlyf og annað slíkt í gegnum svona auglýsingar. Ég get bara ekki trúað það sé til í alvörunni fólk sem hugsar "hey, þetta hlýtur að virka fyrir sprellann minn!" þegar það sér subjectlínuna: Having a large and nice member is affordable now (eða þaðan af verri fyrirsagnir).

Tvær færslur á sama deginum!

Inga Þóra — Thu, 03 May 2007 21:42:32 +0000

Ég ætlaði ekki að skrifa aðra færslu strax en ég get bara ekki orða bundist.

Nýjustu skoðanakannanir benda til þess að Siv Friðleifsdóttir sé dottin út af þingi. Og í dag þegar ég var að keyra úr Smáralindinni (fór í snyrtivöruleiðangur þangað), sá ég flettispjald með auglýsingu þar sem Siv er í heitum faðmlögum við Samúel Örn Erlingsson. Maður hefði haldið að þau hefðu betri hnöppun að hneppa en að leika í rómantískum gamanmyndum. Ég held að það auki ekki fylgi.

Propaganda! Propaganda!

Inga Þóra — Tue, 18 Jul 2006 22:25:22 +0000

Fyrir þá sem ekki vita, þá er ég með mastersgráðu í áróðri. (Reyndar stúdíu á áróðri þó svo ég myndi alveg treysta mér setja saman góða áróðursherferð).

Ég sýti það mjög að hafa ekki verið búin að uppgötva YouTube þegar ég var að reyna að láta mér detta í hug eitthvað til að skrifa um í lokaritgerðinni. Vegna þess að það er rosalega gaman að fletta upp hinum ýmsustu áróðursmyndböndum þar og lesa svo kommentin. Las eitthvað bullandi Japan-hatur í kommentunum á Norðu-kóresku áróðursmyndbandi. Fræðimaðurinn fann til sín.

Talandi um áróður. Sjónvarpsauglýsingin frá Orkuveitunni fær mig alltaf til að hlæja.