IBONS DE PAÚLS Y DE RA SIARRA, ARDIÓS-ISHÉRA Y LACS D´AYOUS, DE RO 8 TA RO 12 DE CHULIO DE RO 2.005

O pograma de Migalánchel Pérez y Migalánchel Martín pa ista añata ye conoxer o lucar de Belsué, plegar en a Bal de Tena dica ta ros ibons de Paúls y de ra Siarra y besitar en Haut Biarn o lucar de Ardiós-Ishéra y os ibons d´Ayous.

Salen de maitins o biernes 8 de Chulio camín de Sallén de Galligo, endrezando-sen en primeras a besitar Belsué, pillando l´esbarre en Arguis, bels 8 kms. por a biella carretera que puyaba ro puerto de Monrepós, pasando por l´antiga “Benta d´o Mesón Nuebo”, y plegando dimpués en o lucar.

Belsué s´alcuentra a 726 mts. d´altaria y ye un chiquer lugarón de 8 casas, cuasi todas tradizionals d´a redolada con tellaus de loseta, paretes de piatra y chamineras zelindricas.

Seguntes les diz uno d´os bizinos, solo i biben de contino 3 biellos tions; a lo qu´escomienzan a paroliar con iste siñor le preguntan si Belsué ye o lugar d´el, y antonzes les contesta, a lo somardón y con remarcato ton altoaragonés: “solo qu´un piazé ye de yo”.

A os de Belsué (d´o zelta BELS: cambo) les izen “carboners”, en yay un dito: ” Bailadors en Bentué

y en Lusera beñazers

esquiruelos en Used

y en Belsué carboners “.

O poyeta d´Arguis, Lorenzo Cebollero, mentando lo trasporte de maderámen por o bizino entibo de Belsué, escribe en l´aragonés local bels bersez a iste rispeutibe:

“En o pantano de Belsué

tamién pasaban madera,

dimpués d’aber-la trayiu

dende o Puntón de Lusera.

Cruzaban todo o pantano

dende o Pellar ta l’otro lau,

donde esperaba un cable

que iba o madero colgau.

Primero cortar n’o monte

luego arrastrar a madera,

dimpués l’agua y o cable

y por fin n’a carretera.

Agora cargar o cambión

otro rato de treballo,

por fin adiós a os maderos

que ban carretera abacho”.

En Belsué, os mozos p´as fiestas iziban bella sonata referén a´s estrelas y a orientazión d´os pastors pirinencos mientres a transuanzia.

“Ya s’asconden as Crabetas,

lugo os Fustéz saldrán,

ya s’azerca l’ora

d’ir mozos á rondiar”.

Denantes de jopar, Migalánchel Pérez fa bels afotos por o lugar.

A segunda aturada la fan en Samianigo, pa mercar unos libros sobre as tradizions, fabla y toponimos d´a Ballibasa.

Continan o camín enta Sallén de Galligo, billa do s´agüesparán as siguiens cuatro nueys.

Sallén de Galligo ye a capetal istorica de ra Bal de Tena; pasa de ros mil abitadors, se troba a una altaria de 1.3O5 mts y a 1OO kmts enta ro norte de Güesca ziudá. Ye plandificata en un parache de gran politeza, en o mesmo pedero de ra Peña Foratata (2.321 mts).

Respeutibe a ista Peña ne b´ha una liyenda montañesa perfeutamén esbrusata por José Damián Dieste en o mannifico libro suyo “Tradiciones Altoaragonesas”:

“La Peña Foratata de Sallent de Gállego estaba amueblada de secretas moradas rupestres y tenía un porte blanco, elegante y doñeguil y desde su erguida cumbre señoreaba todo el cantón de Tena. Con la femenina vanidad que quieren los dictados patriarcales, alardeaba de hermosura con pueril indiscreción. El monte Balaitús era atezado, bravío, y tan pronto eran atrabiliario como se transformaba en un sensual trovador occitano, hasta que un voto de expurgación lo llevó a sus soledades puritanas. Pero su lascivia era más poderosa y bramante que su eremitismo forzado y presto renegó de la contemplación, espoleado por la coquetería vana de la princesa Foratata, la que tenía las guedajas por las nubes. El gigantesco Balaitus con la rijosidad exhortada por la limpieza de formas de la Foratata, se llenó de negro deseo y avanzó hacia ella con mal agüero. La núbil Foratata, asustada del afanado y poderoso caminar del monte (dicen que los pasos resonaban como astas de bucardos en celo) maldijo su veleidosidad y que mientras procuraba huir a la grupa del viento, su voz acongojada llegó hasta los recovecos de los valles. Por casualidad las hormigas del Formigal escucharon sus ruegos y con la salvaje valentía de los débiles se enfrentaron al amenazante Balaitús. La Foratata, desde aquella hazaña de las fornigas, en tiempo de invierno derrama nieve para que por el estío las hormigas tengan pan”.

Sosprendenmén, Sallén no ye cruziato por o Galligo, sino por o suyo afluyén Aguas Lempedas, que leba astí muita más augua que o propio Galligo, antis de complegar-sen un poqué más abaxo de Sallén.

L´arriu Aguas Lempedas naxe en as tucas e ibons d´Arriel y ye aprobetato pa ra fetura d´eletrezidá en l´ibón represato de Respomuso y en l´entibo de Ra Sarra.

Os molimentos más importans de Sallén son a ilesia parroquial de l´Asunzión, gotica de l´año 1.525, o puen baxomeyebal d´un solo güello sopre l´arriu Aguas Lempedas y güen rabaño casas con arquitetura tradizional de clarisma influyenzia gascona.

En Sallén enfilan cara ta l´ostal qu´han reserbato; chintan en a cambra y discansan astí bel raté. Dimpués deziden fer una gambadeta ta ro miralgüén de “El Salto”, o nombre de Sallén parez promanar d´iste saldo d´augua, u sallén, u sallán (que mesmamén asinas se diz tamién n´aragonés). En latín: “Salio” (saltar), “Saliente” (ro que salta), “Salien” (fuen); anque tamién poderba esdebenir de l´induropeyo y prerromán “Salia” (corrién d´augua). Dinantes de fer l´entibo de Ra Sarra ( más entaldo de ro saldo iste ) a chorrotera suya yera muitismo más gran y ro son de l´augua, en cayer y estrucaziar as piatras, s´escutaba perfeutamén dende Sallén.

BASE: Sallén de Galligo, 1.3O5 mts d´altaria

DESTÍN: miralgüén de “El Salto”, 1.325 mts d´altaria

DURATA: 1 ora

DIFICULTÁ: muito chiqueta

O sender empezipia en o cabo zaguero de ra poblazión, remuntando ro curso de l´arriu Aguas Lempedas por a dreita dica trobar una pista que contina puyando zerqueta d´unos sabuquers. Dimpués a pista se trestalla y cal continar por a zurda, en do se pueden b´atifar una abillanera, una gabardera y buxos. Se contina por un sender en o que se i troban o pin salbachín, o piñonero y a chordonera. Más enta debán se cruzia por un pondarrón o barranguizo que baxa de ros ibons de Pondiellos. Be son atifables: abetoch, perera, camichironero, arañonero, triámol y choplo royo. Se contina por a pista de ra ezquerra, que amoniquet ba esdebenindo sender, se pasa chunto a un buxardero y , dimpués d´esnabesar por una selba mestizata d´abetoches, abillaneras, triámols y pins, se remata plegando en o miralgüén de “El Salto”.

Migalánchel Martín y Migalánchel Pérez enfilan enta lo miralgüén de “El Salto” en una gambadeta asaber qué atrautiba y plazentera; recorren un sender tematico sopre a flora de ra Bal de Tena, atrapaziato con mesetas plandificatas en o pedero d´arbols y maticals, retulatas con as suyas descrizions, emplegos y curiosidaz. Polita e didautica gambada, a penar de ra poqueta d´augua que baxa por o sallén “El Salto”.

Ritornan de ra promenata y s´endrezan a saludar a Mámen Otín, l´amiga d´els, que ye n´un tris de plegar a fayena.

Como ra ideya de ros Zerrigüeltaires ye ir ista nuey a biyer as atuazions de ro festibal “Pirineos-Sur” en l´auditorio de Lanuza, Mámen y a suya chermana, Pili,- muito amables y bogals - lis portian en auto ta Lanuza pa que merquen por alantato ras entratas pa ra nuey, consiguindo-las como de “benda aprecurata” grazias a ras güenas chestions de Mari-Carmen.

Dende Lanuza beyen medrar as boiras acarrazatas ta ras mondañas gasconas y paran cuenta de qu´esbulliquia ra “gabacha”, ixa airera frida de ro norte.

“Las boiras que aparecían

por Francia les llamaban

“María Bailón” nombre de la

primera casa francesa al atravesar

la frontera por el Portalet”

A l´empieze de ro sieclo XX belgunas de ras sallenutas marchaban agún ta l´autra bersán n´a sanmigalata y de primabera pa bender peducos de lana en os lucars más amanatos (Gabás, Laruntz, Arudy…); con os diners de ra benda mercaban ensundia y autros produtos de ro cochín.

Migalánchel Martín zena en o minchador de l´ostal y Migalánchel Pérez en a cambra (no xuplidemos que ye adito a ro bechetarianismo); dimpués, marchan os dos en l´auto enta Lanuza, tapatos con firme abrigallo (fa una nuey chelatuara de tot). Ban a biyer en l´auditorio, chunto a l´entibo, ros conziertos de “Chango Spasiuk” d´Argentina y “Ray Lema” de ro Congo con “Chico César” de Brasil.

En primeras fan una garimbola por Lanuza (de seguras qu´esdebiene de ro zelta “landa”(patral) más o sufixo -UZA); alufran con goyo lo cambeo tan gran qu´ha feto ro lucar dende que ro biyesen por primer begata, - en fa ya 22 añatas - laso, rapato y espaldato, agora ne b´ha güen rabaño casas esbiellatas y refetas, autras son nuabas de tot, ¡ mesmo un otel !… B´ha bels bersez que nos remeran ista custión:

“En a Bal de Tena han feto

dos pantanos tarcual grans;

escluchinón cuatro lugás

y bellas zinco casas más,

Y os kilobatios se’n ban

por as pilonas t’abaxo,

pa emplenar tarcual as pochas

de ixos que no’n son fartos”.

Os nombres de ras casas de Lanuza - muitas espaldatas pa cutio, pos be son por debaxo de ra “cota” maisima de l´entibo - son os siguiens.

De Petro, Anchaime, Turón, Duque, Ziforosa, Chacán, Bizén, Atanasio, Xillué, Del Rey, Laguna, Sastre, Tomasé, Portolés, Migalé, Cacho, Benito, Luis, Pepe, Bartolo, Aneta, Cayetano, Tortuga, Chandón, Arruebo, Policarpe, Diego, Martín, Navarro, Pochacas, Alexandra,, Granero, Ziforosa, Capira, Maestro, Abadía, Ferrero y Antillón.

“Chango Spasiuk” ye un archentino con radigons ucranianos que toca ro curdión alcompañato d´una colla d´entrepretes d´autros estrumentos tradizionals archentinos.

“Ray Lema” y “Chico César” tocan o piano y a guitarra de conchunta con atros mosicaires que le dan a ra batería, percusions, baxo, curdión y dos coros.

A berdá seiga dita: l´orache ye asabelo fierizo y bien poquetas chens se´n son animatos a regudir ta ro conzierto.Os Tocayos, una mica chafatos, se´n ban dinantes de ra rematanza; remerando-sen, en ixas, d´autras mosicas d´a redolada como lo Palotiau de Lanuza y ro Bolero de Sallén, a pieza más importán de ro Grupo Folclorico sallenuto, que ra letra suya ye:

“Tu marido y el mío van a Longares

a buscar cuatro bueyes y ellos tres pares

cuatro frailes franciscos de los más gordos

fueron a beber agua, se ahogaron todos.

Mi guitarra moreno llora de pena

por que fuiste lejos del Valle Tena.

al Bolero le han chupa y camisa

no le han hecho calzones por que se picha.

Tú te vienes conmigo y eso es tan cierto

como noventa y nueve y uno son ciento”.

O maitín de ro sabato 9 de Chulio tamián amanez con airera frida, pero con sol, asinas que se´n ban endrezatos ta Sandiniés pa prebar de plegar enta l´ibón de Ra Siarra.

BASE: pista forestal entre Sandiniés y Tramacastiella de Tena, a 1.25O mts d´altaria

DESTÍN: Ibón de Ra Siarra (2.O26 mts d´altaria)

DURATA: 3 oras y meya

DIFICULTÁ: chiqueta-meyana

Cal enfilar por una pista forestal que naxe a ra dreita de ra carretera de Sandiniés ta Tramacastiella, por do se plega ta ras pistas d´esquí de fundo de ra Partacua ( a ros de Sandiniés y Tramacastiella entre autras motatas -se beiga l´año 1.983- lis izen tamién “partacueses”). A ros 2 kms y meyo y una altaria de 1.4OO mts amanez una catena que i tanca ra pista. Continando por ixa pista y en menos de meya oreta se pasa por un barrache ta ro ganato (1.5OO mts) y se ba dentrando en a bal de ro barrango de Lana Mayor. Una ora dimpués se plega ta l´ibón de Paúls, u Tramacastiella. Cal continar por a pista qu´arredola l´ibón por o costato zurdo pa baxar cuasi dica ra coda de l´entibo d´Escarra, do se i troba una estrabiella plandificata en una cruzillata. Siguindo por a pista de ra ezquerra que s´aíntra en a bal dica ta ro suyo cabo, plegaremos en a Mallata Acumuer; dend´astí sale una sendereta por a dreita que ba enguiliando ro barrango de Ra Siarra pa, dimpués de cruziar-lo, yir puyando por calzils y patrals cantimplanos dica ta l´Ibón de Ra Siarra.

Pa ra escorsa de guoy ta l´ibón de Ra Siarra han condato con a balurosa aduya de bels amius naturals de ro payís, ro cualo contrimuestra nuabamén ro importán que ye contautar con as chens de ras zonas besitatas, que son qui reyalmén conoxen y treballan es puastos indresans pa b´espeduquiar, mesmo ormino contrebuyen pleneramén a creyar os paisaches locals con as fainas suyas de cambos, mons y bistiar, rispetando ra natura e ro meyo ambién de millors trazas que ros más enrebullatos plans gubernamentals.

Han tenito ixa suarde y han podito arribar en beíclo de pisata baxa dica ra Mallata Acumuer, anque por o camín s´han aturato bel raté en o majizo ibón represato de Paúls, fotiando-lo de güen implaz.

Una miajeta más adebán de ra Mallata Acumuer s´enziertan a trobar con un pastor de Tramacastiella y pretan a cascar con él; en istas be amanez l´auto de pisata alda menato por Eduardo Urieta de casa Chicoy, primo de ras chermanas Otín de Sallén y conoxito por Migalánchel Martín de biyer-le tocar a mandurria con o grupo folclorico de Sallén. Fablan con el bels menutos y, ya que i son, lis endica l´alcorze plazible enta ro sender qu´enfila ta l´ibón de Ra Siarra, albertindo-lis que a metá camín han de pasar por debaxo d´un chulet eleutrico.

Contra más petenan, más bacúmen se i troban. O camín fa costera pero ye de güen puyar, l´unico que -de cuan en cuan- sofla ra frida gabacha. Ban fendo bel afoto y, si güellan enta zaga, beyen l´ibón de Paúls cada begata más chiqué.

Dimpués plegan ta ro “chulet eleutrico”: uns filos orizontals con trazas de cleta pa empachar o paso a ras bacas, pos si ros tocan lis dan garrampazos. Os Zerrigüeltaires arrullan as muchilas por alto y dimpués pasan por debaxo, esturruzando-sen por o sulero.

Desiguida, a 1.880 mts d´altaria, cruzian un barrangued con muito eslibel y pro cantalera, que baxa de l´ibón de Ra Siarra, l´augua que leba no ye masiau agundán, pero no dixa de i fer saldez, gorguetas y chiquetas arrigatuaras.

Continan puyando por terrén más y más petruso y en meya ora colata plegan en l´ibón.

L´Ibón de Ra Siarra ye repolito de raso, situgato a 2.O26 mts d´altaria. Lis fa goyo porque no ye guaire gran y tien sopreguanas alufratas enta ra Siarra de Ra Partacua, con Peña Telera (2.764 mts), enta ra Cochata d´Izas (2.223 mts) (por ziarto, que i beyen una colla de nabesaires petenando por astí), a Punda de l´Alica (2.697 mts) y, ya más luen, as Tucas de Ros Infiernos (3.O76 mts) y ro Pico Moros (3.151 mts).

Fan afotos, minchan, arredolían tot l´ibón y pretan a tornar. Por o camín asayan cualques prebatinas de ra “xota de ros Zerrigúeltaires” que Migalánchel Martín ha calitrato ( cuentan que -Dios meyán- más adebán se podrá escutar n´ista güeb, quí sape si de conchunta con autras cantas). Fan o ritorno amonico y muito á plazer.

L´auto de Migalánchel Martín. ye estato emburzato por os afalacos de ro bacúmen, con besez, laminatas y bellas morisquetas cornutas; con o risultato de chiquetas bollas, esgarrañazos y rebuxes de morgallos…. ¡ qué l´imos a fer

De tornata enta Sallén, zenan y dimpués marchan ta ra tabierna-restorán “Rincón de Mariano”. Astí capazían con Mariano de casa Tomasico, con Lauriano Urieta de casa Chicoy, Pili Otín de casa Lucas y más presonal. As dos oretas que i remanen, lo pasan de pistón. Migalánchel Martín, como ye de dar en él, goyoso y rozero, canta bellas xoticas anque -como sólo qu´el s´anima- no ye posible alberar lo que diz ista xota:

“Ponen o morro torzito

toz os que cantan bien,

pa bier s´ixo ye asinas

que canten os de Sallén ”

Fablan sopre ra importanzia de recuperar o tensino, modalidá conserbadera de belgunas de ras trazas más puras, chenuinas y antigas de l´aragonés zentral;( cualcosa se´n remena a lo respeutibe por a Bal, con a entrebenzión de ro “Calibo” de ro Ligallo de Fablans de l´Alto Galligo, os Serbizios Culturals de ra Comarca y a peña zaragozista “Bal de Tena”). Comentan con os sallenutos que agún be son a tiampo, lis cal conzenziar-sen d´ixa riqueza lingüistica y s´han d´establir midas como a motibazión, informazión y consiguién recosiro argulloso de ros fablans latens, potenzials u ocasionals (agún ne b´ha güena rabañera); asinas como a protezión y amostranza d´iste biello legato cultural patrimonial. Anque en primeras amenistarán refirme material y umán pa tot isto, más adebán bellas presonas -como es ruferters Mariano de Tomasico y Lauriano de Chicoy (tocan, respeutibamén, mandurria y guitarra en o Grupo Folclorico de Sallén)- serban perfeutamén baleras p´aconsiguir l´ochetibo -á calendata entremeya- de que ros intresatos d´a chobenalla y a chen gran de Sallén podesen fablar l´aragonés tensino plaziblemén.

Continando con ista custión, achuntamos unas contrimuestras de ra fabla tradizional de ra Bal:

“Con os zapatungos rotos,

os calzones sin bufera,

a camisa esperrecada

y sin un duro n’a pocha,

¡güena sanmigalada m’aspera!”

“Si yo sapese mozeta

qu’autro amarbas más qu’á yo

ni cantarba ni rondarba

ni pasarba pu’astí, rediós!”

“En o barranco de a Ripera ha caito un charratamplán, qu’iz que no puén pasar ni es perros ni es cans. A Perra Mallatas por atrebita ha ito á pasar; s’ha clabato un tarranco debaxo de ra coda que seguntes ha dito ro mariscal no tié cura”.

“Ta ras escorsas peus autes costalats de ras Pireneas que gausam emplegar lo patués gascón pirinenc; aqueth parlatge -pro parescut dab l´aragonés- qu´erai emplegat peus pastors deus dus bersans, enta comunicar-se enter eths “.

Uei, dimenge 1O de julhet, qu´an decidit anar en veitura tau vilatge biarnés d´Ardiòs-Ishèra enta véder uns jocs tradicionaus biarnés. Passan per la frontèra deu Portalet, baishan au ras de la Gaba d´Aussau capvath deu Parc Nacionau de las Pireneas Françesas, los vilatges de Gabas e Eaux Chaudes (Aigas Caudas) dincau vilatge de Laruntz. Ací que s´estangan un drin de temps enta véder se i a quauquarrén d´interessant; juste ier se i hasó lo concors de cantas biarnesas “Hestejada Aussalesa” e que´s avosse heit gaujor d´aber podut presenciar aquerò.

Migalánchel Pérez crompa deu pan, entra a la glèisa e hè ua foto per dehòra , de la mesma faiçon que hè 22 annadas. Entran dens la Maison deu Parc e tau Burèu de Torisme, on qu´en i gahan de huelhetons. Enqüera mancan cinquanta kms., atau que´s cau continuar viatge.

Passan peus vilatges de Louvie-Juzon, Izeste, Bielle, Arudy, ací qu´arrevirolegan enta ua autorota dab adreça enta ra Gaba d´Aspa capvath de Banhs de St. Christau, dempuish Asasp-Arros, Issor e, a ra fin, Ardiòs-Ishèra.

Migalánchel Pérez que portà eth son minjar, mès Migalánchel Martín no´n portà pas arrén; atau que li cau anar tath restaurant, com no podeba pas estar d´auta faiçon, donc era hami que començà de´u picar. Migalánchel Pérez qu´ac hasó sus ua taula dab cadièras de husta ath arrás dera glèisa d´Ardiòs-Ishèra e Migalánchel Martín dens ua aubèrja deths entorns. Desempuish de minjar Migalánchel Pérez entra ta ra gleiseta d´eth vilatge, adedicada a St. Isidre paisan. Autanlèu qu´an acabat, eths dus amassa que hasèvan fotos peth autorn.

Ardiòs-Ishèra qu´èi un vilatge petitot e pro esparrisclat on que uei, a prumeras de ra serada, com ditz un escriut que Migalánchel Pérez se portiará de brembança, qu´at harán:

Dimanche 10 Juillet

De 15h 30 à 19h (Champ BELLOCQ) Prix 3 €

JEUX INTER-VILLAGES

Avec BANDA

Lourdios-Ichère, Issor, Oloron, Arett

Tir à la corde, Piscine, Piste infernale, Patates.

Com poden véder eths jocs de dehòra qu´an decidit no i entrar pas. Eth joc mei susprenent enta eths qu´èi ço de “patates”: açò qu´éi liga´s la cinta dab ua corda que i porta penjada a l´estremera ua patata a l´hautor dera clavilla; que cau espendolejar era patata dab eth còs enta puishar ua auta patata getada peth sòu. Que ganha aqueth qui, en trucar-la, hè qu´arrivi avans dinca ra fin. Argüeitan ua bèra estona eths jocs, dab tot eth monde e musicaires i aplegats, e tornan enta Sallent. Adara anerán per Issor e a Escot preneràn ua auta autorota que crotza ta ra Gaba d´Aussau, traversant eth Coth de Maria Blanca enta arrivar a Bilhèras e Bielha, en repassant capvath de Laruntz avans de prèner enqüera un cop l´autorota enta la frontèra deu Portalet.

Dimpués de zenar en Sallén, a Migalánchel Martín no li peta de salir de l´ostal y Migalánchel Pérez como fa menos frido agora, s´agana a fer una gambadeta panda y luenguiza por toda ra poblazión.

En o bico de Ro Bico bi son as casas:

Santo, Gandillas, Chulla, Ballejo, Mairalet, Espadilla, Frasquito, Antón, Sarrador, Clabetaire, Barbero, Portolés, Martínez, Carrasco, Zirujano, Artigola, Iglesias, Alejandro, Domec, Enrique, Parol, Tendero, Pale, Tecla, Lechero, Jaimico, Tomasa, Montes, González, Molinero, Romaldo, Cabalero, Faure, Pedro Juan, Del Reyno, Pitorro, Pepín, Serena, Alejos, Socotor, Martinillo, Gato.

En o bico Aguas Lempedas, as casas:

Lo Ferrero, Abellanas, Ampierra, Chicoy, Bruno, Mingarro, Bruno, Cardet, Garrazas, Parra, Quemada, Bentura, Laguna, Zapatero, Blondo, Tuerto, Caperán, Boli, Franca, Balayás, Lorentón, Labordeta o Lacuadreta, Champan, Poribot, Zapatero de Angel, Simón, Subías, Rosa, Marieta y Felix.

En o bico de Ro Zarrastiecho:

Balero, Pallaré, Carrasquete, Luzía, Gaitero, Chófer, Pinzel, Tiay, Tomasico, Sastre, Churra, Martón, Renot, Faldetas, Abadía, Menín, Mamés, Ana, Bernet, Rabinal y Sancho.

En o bico de Ro Paco:

Lucas, Brecas, Don Pedro, Borrullán, Perotes, Pepe, Larri, Gerardo, Agua, A Panadería, Nariga, Pepica, Chuan Martón, Don Jorge, Piulat, Cestero, Catalinete, Pistón, Cubero, La Isla y Felipa.

En o bico Casadiós no i bibe chen agora.

Migalánchel Pérez una miaja canso y con soñera se´n ba a chitar, pos maitín lis caldrá espeduquiar pro.

Uei, diluns 11 de yulhet, aneràn en veitura ta França a essejar de véder los Lacs d´Ayous. Desempúsh de deyunar aneràn capvath deu Portalet. (Antis de plegar en a muga tornan a alufrar con tristura - como lo diya d´antis - as esferras fetas en os mons enta ros dos costatos de ra carretera, con a enchaquia de ras enampladuras de ras pistas d´esquí de Fornigal; más que más enta ra bal d´Espelunziecha que os Tocayos eban besitato fa bellas añatas.) Quinze kms. mei endavant qu´arrivan au Lac de Fabrègas e un drin abans de Gabas s´en esparvolan enta l´esquerra pendent beths 4 kms., ta deishar l´auto au parcatge deu lac de Bios-Artigas, au miey deu Parc Nacionau deus Pirinèus Atlantiques Françès, qu´èi per tot autorn deu Pic Midi d´Aussau.

CORSA DEU CIRCUIT DEUS LACS D´AYOUS

BASE: Lac de Bios-Artigas, 1427mts d´hautor

DESTINACION: Lacs Castérau (1934 mts.), Bersau (2O83 mts.), Gentau (1982 mts.), deu Miey (1941 mts.) e Romassot (1845 mts.)

DURADA: 5 oradas e mieya

DIFICULTAT: mieyana

Enlà lo parcatge que cau siguir la pista, atraçada de plan au arràs deu lac de Bios-Artigas. A docetas escomença la puyada au miey deu mont qu´en mieya orada mia enta l´ampla planera deu torrent de Bios. Que cau seguir adara peu caminet que dreça capvath deu plan ta la cabana deu Cap de Pont. Au arràs dera cabana que cau recomençar enqüèra un còp la puyada de la costera endreçats entaus cuyalars de la Hosse.

Un pauc mei endavant que cau tornar ta la dreta peu camin curauleyant enter las arrocas, en puyant tot dreçats tau Coth de Castérau, t´arribar a las duas oradas en lo lac de Castérau.

En seguint peu camin qu´entorneya lo lac, remontan dempúsh suu sendèr atraçat de plan dab adreça entau coth dera dreta, e arriban - bethlèu apuish d´un curt penent que devara viste - tau segond lac, lo Bersau, a l´autorn deras 2 oradas e mieya.

Que cau continuar lo caminau peu costat dreit deu lac Bersau en baishant tau circ deus lacs d´Ayous, ta l´ostau d´Ayous e lo lac Gentau ( autorn deras 3 oradas).

D´ací i a ua avista deras granas sus lo circ deus lacs d´Ayous e lo pic Midi d´Aussau.

Entorneyant lo lac Gentau e siguint lo sendèr, que s´arriba a ras 3 oradas e 15 minutas tau lac deu Miey.

Sonque manca lo cincau e darrèr lac, lo de Romassot, tau que s´arriba a ras 3 oradas e mieya.

Autanlèu lo caminet traversa ua seuva, que s´arriba tau caminau escomençat cuauques oradas abans a ra planera deu torrent de Bios e, dempúsh d´ac aber recorregut tot, que s´acaba au parcatge de Bios-Artigas.

Los ” Sarrivoltaires ” que atenden de poder véder tots los ibons qu´an previst, tot adara lo temps n´èi pas meishant, que i hè sol e shens brica de nublas.

Qu´escomençan lo caminau au arràs deu lac Bios-Artigas (Un arreproèr tradicionau aussalès que ditz: ” Bios-Artigas vau mei ta yo pendent l´estiu que castèths e palais cuan seràn bèths “). Ua estoneta dempúsh qu´argueitan ua cabana enta dreta on que i a azonets e chibaus, sembla estar que tau logament aus toristas. En seguint lo caminau, dab ua vegetacion deras granas aus entorns, qu´arriban dinca ua planera deras amplas dab chibaus e vacas, ací que crotzan l´arrigüet de Bios per un petit pont.

Desempúsh la senta que s´eishampla e curauleya dinca devièner un senderet mei estreit qu´arriba dincau berói ibón de Castérau. Ací qu´en hèn de fotos, especialament entau superbèth Midi d´Aussau. Aus entorns que pashen tropeths de corders e aulhas.

En continuant lo camin, que garrapeteyan per ua costera hèra penenta enta l´ibón de Bersau; l´avista enta bethcòp de montagnas gasconas e cuauques uas aragonesas qu´èi gaihaçenta. Cercan ompra enta minyar e dempúsh que i hèn fotos.

En seguint lo camin, deyà devarant entaus lacs d´Ayous, que passan per l´òstau d´Ayous, on que Migalánchel Martín demanda s´èi berdat qu´un deus puntons deu Midi d´Aussau Ei l´aperat ” Punta de l´Aragon “. L´arresponen ” quiò ” ( que òc ), mès qu´èi un mei baish, que no se i vede pas despúsh d´ací, qu´èi a l´endarrèr, espiant ta l´Aragon per l´aute costat.

Devath de l´òstau que se i troba l´ibón de Gentau. Ençà d´eth, Migalánchel Pérez hè cuauques fotos au polit ibón, dab chibaus e un azonet e, au hons - aquò qu´èi clar - lo Midi d´Aussau. En seguint la baishada, qu´argueitan au luenh los autes ibons, lo deu Miey e lo de Romassot, los dus dab vacas e vetèths a l´autorn.

Despúsh d´ací, en seguint lo caminau, bethlèu qu´aneràn hens un hagocar hèra arronçat e beròi, dinc´arribar ta ra planera on qu´èi lo cairehorc deus camins d´anada e tornada e on qu´enqüèra i son minyant lo vacum e los chibaus.

D´ací au parcatge van a plaçerinas, mès hòrt gauyosament.

Que son estats autorn de ueit oradas au Parc Nacionau deus PirinEus Françès caminant enter lo gaihaçent paisatge. Qu´an espiat aquestes meravilhòs ibons dab avistas deu mièlher, mei que nada aqueras deu famós Midi d´Aussau. Que´s a hèit un temps deus bons, an gauyat un sarrot e no i son tròp croishits.

En Sallén, en primeras se duchan y dimpués zenan. Antis de chitar, se´n ban ta ro ” Rincón de Mariano ” do i serán bel raté charrando con él y con Pili de casa Lucas y do Migalánchel Martín con as suyas estendenzias xoteras, se´n canta belguna en plan dispidida. ! Qué a plazer son estatos en Sallén y os arredols y qué curto lis s´ha feto ¡¡.

ABBADIE, M., NARIOO, G., MAISONNIER, C. “PEir-L´Ors”. Ed. Per Noste-La Civada-Institut Occitan-La poesia Calandreta-Los Regents Caminaires, OrtEs,1.999.

ANDOLZ CANELA, Rafael: Más humor aragonés. Mira Editores, S.A., Zaragoza, 1996. ARAGON COMARCA A COMARCA: Edita Prensa Diaria Aragonesa, Zaragoza, 1993.

BENITO MOLINER, Manuel: Pueblos del Alto Aragón: El origen de sus nombres. Página web- Trabajo de campo e investigación. Edición Electrónica 2002. Servicio Patrimonio Etnológico, Lingüístico y Musical (De esta web han tomado datos del origen de algunos pueblos).

BOUZET, J. “Manuel de Grammaire Béarnaise”. Ed. L´Escole Gaston Febus, BillEre,1.975.

CABRERO PALACÍN, Javier: Todos los Ibones del Pirineo Aragonés, Ed. Pirineo, Huesca 1999.

CEBOLLERO CIPRÉS, Lorenzo: As cosas d’os tiempos d’antes más en Arguis y a redolada. Edita Publicazions d’o Consello d’a Fabla Aragonesa, Uesca, 1998.

DIESTE, José Damián: Tradiciones Altoaragonesas, Editorial Apóstrofe, Barcelona 2000. DOMINGUEZ ARRANZ, Almudena y CALVO CIRIA, Mª José: La arquitectura Megalítica, Cuadernos Altoaragoneses, 14, Edi. Instituto Estud.Altoaragoneses 14, Huesca, 1999.

EL PERIODICO DE ARAGON: Los ríos de Aragón.

ESCARTÍN SANTOLARIA, Ana María: Toponimia Tensina. Edita Comarca Alto Gállego, Yalliq, 12, 2007 Huesca.

GIL DEL CACHO, Felis: O Tión: Recosiros de ra quiesta balle Tena, Edic. Miguel Martínez Tomey, D.G.A. Departamento de Cultura y Educación Colecc. “O pan de casa nuestra”, 4, Zaragoza, 1987.

GRAN ENCICLOPEDIA ARAGONESA: 14 Tomos, Editorial de Unión Aragonesa del Libro, Zaragoza, 1980-1983.

GROSCLAUDE, Michel. “Lo gascon l Eu e plan”. Ed. Omnivox, Paris, 1.977.

PRAMES: Mapa Excursionista Valle de Tena-Biescas, nº 3. Edita Prames, Zaragoza, Junio 2002.

POUEIGH, Jean. “Le folklore des Pays d´Oc. La tradition occitane”. Ed. Payot et Rivages, Paris,1.952.

SATUÉ OLIVÁN, Enrique: El Pirineo contado. Edita Enrique Satué Oliván, Huesca, 1995.

VICENTE DE VERA, Eduardo: Calibos de Fogaril (Refrans, ditos, charrazos y falordias de tradizión popular en aragonés) Edita D.G.A., Zaragoza 1986.

VIDALLER TRICAS, Rafael: Guía del Valle de Tena (Sendas, pueblos, naturaleza) Editorial Pirineo, Huesca 1994.