તમને ખ્યાલ જ હશે કે, બિલ ગેટ્સે માઇક્રોસોફ્ટમાંથી વિદાય લીધી એટલે બહુ તમાશો કરીને ગયો. તો આપણને કેટલા ટકા? માઇક્રોસોફ્ટની ઇવિલ મોનોપોલિસ્ટીક પોલિસીઓ તો ચાલુ જ રહેવાની છે. એ જ EULA વપરાશકારોને માથે પડવાનું છે અને પાયરસીનો ડર બતાવીને માઇક્રોસોફ્ટ પૈસા બનાવતું રહેશે (હા, ખરી વાત છે કે એપલ કંપની, માઇક્રોસોફ્ટની સાવકી બહેન જ છે -- પણ હાર્ડવેરમાં તો એ કંઇક સારું બનાવે છે!).

હા, તમે જો લિનક્સ ન વાપરી શકો તો, તમે માઇક્રોસોફ્ટનાં ગંદા-ગોબરાં સોફ્ટવેર્સની સામે નીચેનાં ફ્રી સોફ્ટવેર વાપરી શકો છો:

સોફ્ટવેર ----------> ફ્રી સોફ્ટવેર

ઇન્ટરનેટ એક્સપ્લોરર            મોઝિલા ફાયરફોક્સ - બ્રાઉઝર, પરિચય આપવાની જરૂર નથી. (ના, ઓપેરા કે સફારી ફ્રી સોફ્ટવેર્સ નથી!!)

આઉટલુક એક્સપ્રેસ              મોઝિલા થન્ડરબર્ડ - ઇમેલ ક્લાયન્ટ.

વિઝ્યુઅલ સ્ટુડિઓ              ઇક્લિપ્સ, નેટબીન્સ વગેરે

કોઇ કેલેન્ડર સોફ્ટવેર            મોઝિલા સનબર્ડ

વિન્ડોઝ મેસેન્જર                પીડગીન, એડિયમ વગેરે

વિન્ડોઝ મીડીઆ પ્લેયર          VLC બધા પ્લેયરનાં પપ્પા!

અને હા, વાંચો, રીચાર્ડ સ્ટોલમેનનો લેખ ગેટ્સની વિદાય પર.

પણ, સુમૈયાએ જ્યારે આ સરસ સ્ટેટ્સ મેસેજ (સ્થિતિ સંદેશ?) તેનાં જીટોકમાં રાખ્યો ત્યારે મારાથી તે બ્લોગ વાંચકોને આપવાનું રહેવાયું નહી. તો વાંચો,

"Apologizing doesn't mean that you are wrong & the other is right,  It means that you value the relationship more than your ego…"

"માફી માંગવી એનો અર્થ એ નથી કે તમે ખોટાં છો અને સામેવાળો સાચો છે, પણ તેનો અર્થ એ છે તમે સંબંધની કિંમત તમારા અહમ કરતાં વધુ સમજો છો..."

છે કોઇની પાસે તે જવાબ?

સાંજે હું કોમેન્ટમાં જવાબ આપીશ, ત્યાં સુધી શોધો તમે ત્યારે...

૧. એપલ કંપની એ મેકિન્ટોશ મશીન બનાવે છે સાથે સાથે Mac OS પણ તેની જ પ્રોડક્ટ છે - આ કારણે તેનાં હાર્ડવેર અને સોફ્ટવેર એક જ જગ્યાએથી આવવાથી ક્વોલિટી, ગુણવત્તામાં તે ચઢિયાતી હોય છે. પણ હવે તમે મેક મશીન પર વિન્ડોઝ પણ ચલાવી શકો છો. અરે, મેક, લિનક્સ અને વિન્ડોઝ પણ ચલાવી શકો છો.

૨. Mac OS નું બેકએન્ડ, બેઝ કહીએ તો UNIX છે. એટલે UNIXની બધી જ સારી ચીજો તેમાં છે, તમે લિનક્સનાં મોટાભાગનાં કમાન્ડ તેમાં વાપરી શકો છો.

જુઓ, નીચેનો સ્ક્રિનશોટ (તેનાં પર ક્લિક કરો)!

૩. હાર્ડવેરની ક્વોલિટી એકદમ સરસ હોય છે.

૪. એકદમ સ્લિક. ઉદાહરણ તરીકે જુઓ મેક મીની અને મેકબુક એર.

૫. આઇફોન, આઇપોડ વગેરે તેમાં સરળતાથી સિન્ક (sync, નહીં કે sink) થાય છે. :P

૬. ગ્રાફિક્સ આર્ટિસ્ટો માટે મેક એ ગોડ ગિફ્ટ છે - ઘણાં બધા ડિઝાઇનરો તેને પસંદગી આપે છે. અને તમારી ડિઝાઇન સેન્સ પણ તેનાંથી ચડિયાતી થાય છે.

૭. વાયરસનો બહુ ઓછો ડર (કારણ, લિનક્સની જેમ જ બેઝ એ યુનિક્સ છે).

૮. ટૂંકમાં, મેક આગળ વિન્ડોઝ ભિખારી જેવું લાગે છે.

ખરાબ તો બે વસ્તુ છે,

૧. એપલની દરેક પ્રોડક્ટની જેમ મેક એ મોંઘું છે. કંઇ તૂટ્યું કે ફૂટ્યું તો ગયા, જો સર્વિસ, ગેરંટીમાં ન હોય તો.

૨. મેક હાર્ડવેર એ એકદમ ક્લોઝ્ડ સોર્સ હાર્ડવેર છે એટલે કે લિનક્સ તેનાં પર ઇન્સ્ટોલ કરતાં, અને દરેક સુવિધા યોગ્ય રીતે કામ કરાવતાં દમ નીકળી જાય તેમ છે (અરે, પણ લિનક્સ હેકર્સ એમ કંઇ બેસે, અને એટલા માટે તો મેક લેવાનું એક બહાનું છે!).

મેમે એટલે શું તે વિશે વધુ જાણો.

અને આ છે, ફોટોબુથ નામનાં સોફ્ટવેરથી લીધેલ મસ્ત ફોટો..

અને હા, મેકની સાથે તેનાં પર ડેબિયન તો ચાલવાનું જ છે..

અને જમવાનું તો આજ-કાલ બહાર જ હોય છે. કોમર્સ છ રસ્તાથી સામવેદ હોસ્પિટલ જઇએ ત્યાં કોર્નર પર એક ચાઇનિઝ ફુડ સ્ટોલ હતો. મારો ફોન ચાલુ હતો, તો થયું ત્યાં બેસી બધાને ફોન કરું અને થોડાં નૂડલ્સ ઝાપટું.

તો, ઓર્ડર કર્યો, શેઝવાન નૂડલ્સનો. પ્રથમ તો ખબર પડી કે દુકાનનો માલિક યુપીનો છે, એટલે તેમાં ઉત્તરપ્રદેશનાં ભોજનનો ટેસ્ટ આવશે તે નક્કી થઇ ગયું. કાંટા-ચમચી ધોયેલાં નહોતાં, તે બરાબર સાફ કરવાનું કહ્યું, ઓર્ડર આવ્યો 30 મિનિટ પછી (એકદમ અમદાવાદી સ્ટાઇલ) અને નૂડલ્સ, હજી પણ પેટમાં બળે છે.

એ બાજુ ફરકતાં નહી..

સોનેરી સૂત્ર : તમારા હ્દયની વાત જલ્દી કહો અને વારંવાર કહો. ચૂપ રહીને તમારા મગજની કઢી ના કરો.

અને હા, કવિનને ગીફ્ટ મોકલવી હોય તો, ઇમેલ કરજો, સરનામું મળી જશે ;)

1. તમારાં મોબાઇલનું શું ખરાબ થઇ જાય તો તમારે દાંતના ડોક્ટર પાસે જવું પડે?
2. બ્રેડ અને બટર વિમાનમાંથી પડે તો બટર બચી જાય છે, કેમ?
3. એક કાકા દિવાલને પર કાન સાફ કરવાનાં `બડ` થી સાફ કરતા હતા, કેમ?

આમ તો, બધા પી.જે. જ છે. પણ, જવાબો આવતા પોસ્ટમાં. પ્રયત્ન કરી કોમેન્ટ આપો!!

"ગુર્જર લોકોનાં આંદોલનોનાં કારણે ગુજરાતી પ્રવાસીઓ રખડી પડ્યાં. 10000 ખર્ચતા વિમાનની ટીકીટ મળતી નથી."

(જોડણીની ભૂલો હોય એ કંઇ કહેવાનું હોય?)

તો આવા સમાચાર આપીને કહેવાનો અર્થ શું? રેલ્વેમાં મુસાફરી કરો? રેલ્વે તો સદંતર બંઘ છે. અને આ ગુર્જર લોકો છે કોણ? સાલું, મને તો આ દેશનું રાજકારણ જરાય સમજાતું નથી.

તો, ટીકીટ લઇ સીધો ક્રોસવર્ડ ગયો. નીચેની વસ્તુઓ પર રૂપિયા કુરબાન,

પુસ્તકો:

1. બ્લેક લેબલ - અશોક દવે

2. કોસ્મોસ - હર્ષલ પબ્લિકેશન

3. The Last Lecture -Randy Pausch. જુઓ લેક્ચરનો યુટ્યુબ વિડીઓ.

4. સફારી (ગુજરાતી, અંગ્રેજી બન્ને)

સંગીત:

1. કોઇ આને વાલા હૈ - સ્ટ્રીંગ્સ

મુવીઝ:

1. યુવા

2. માઇકલ ક્લેટન

કવિન માટે રમકડાં શોધવામાં ખાસ્સો એવો સમય પસાર થયો.. પછી ધ લૂટમાં ઘૂસ્યો અને એક જીન્સ ઉપાડ્યું (અરર, મારી વાઇફ મને નક્કી બોલવાની છે, પણ એ તો ચાલે..)

અને, અમદાવાદમાં ઘર શોધવાની પ્રવૃત્તિનો હવે પ્રારંભ થાય છે. હું 1 BHK વાળું ઘર જેમાં મકાન-માલિક સાથે ન રહેતો હોય (એટલે કે નજીકમાં) અને પાણીની બબાલ ન હોય તેવું ઘર, ફ્લેટ, ઝૂંપડું.. વિજય ચાર રસ્તાથી મહત્તમ 20 મિનિટમાં ચાલીને જઇ શકાય તેવાં સ્થાન પર શોધી રહ્યો છું. 10-15 મિનિટનો તેમાં વધારો હોય તો વાંધો નહી, કારણ કે મારે તો મોટાભાગે સાઇકલ પર જ સવારી કરવાની છે.

વિજય ચાર રસ્તાથી મણિનગર, રીક્ષામાં - 70 રૂપિયા.

મણિનગરથી વિજય ચાર રસ્તા (દર્પણ સ્ટેન્ડ), બસમાં - 8 રૂપિયા.

અમદાવાદનાં કોઇપણ છેડેથી ક્યાંય પણ, સાઇકલ પર - 0 રૂપિયા.

આજકાલમાં લઉં છું, આવી કોઇ મસ્ત સાઇકલ.

* ઓ. હેન્નીની પુણ્યતિથી..

* વિશ્વ પર્યાવરણ દિવસ..

* અને હવે હું અમદાવાદમાં..

આજે શતાબ્દીમાં આવ્યો, અને આશા રાખી હતી કે બળબળતી અમદાવાદી ગરમીમાં મારું સ્વાગત થશે, પરંતુ સાબરમતી પર ઠંડો પવન વાતો હતો. વિજય ચાર રસ્તા પર આવીને મારી રીક્ષા ફસાઇ ગઇ કારણકે 2 વાગે ટ્રાફિકમાં સિગ્નલ બંધ હતા અને આપણાં મહેરબાન ટ્રાફિક પોલીસો કદાચ જમવા માટે ઉપડી ગયા હતા કે પછી આજનાં દિવસની પૂરતી કમાઇ ઘરે મૂકવા ગયા હતા.

અલ્યા અમદાવાદીઓ, સિગ્નલ ખૂલ્લું ભાળીને દોડમ-દોડ ના કરો. અડફેટે આવશો તો વહેલો વીમો પકાવશો (મારો અને તમારો).

* કવિન હવે જીદ કરવાનું શીખી રહ્યો છે. ટ્રેન, ફેન, બંધ જેવા શબ્દો બોલવાનો પ્રયત્ન કરે છે. અને ઘરનાં બધા સભ્યોને (મને પણ!) નામ લઇને બોલાવીએ તો સામે સરસ રીતે નજર કરે છે. કોઇએ તેને હટ્ટા કરવાનું પણ શીખવાડ્યું છે (જરૂરી છે આજ-કાલ.. ;))

ગઇકાલે મમ્મીએ કહ્યું કે થોડી ઘર માટે વસ્તુ લાવવાની છે, અને મારી પાસે ઓફિસ તરફથી મળેલ સોડેક્સોની મીલ કૂપનો હતી. તો મેં કહ્યું કે અમે (હું અને મારી વાઇફ - કવિનને લઇ ક્યાંય ખરીદી કરવાનું સાહસ ન કરાય!) જઇશું - બીગ બજારમાં, કારણકે ત્યાં કદાચ સસ્તું પડશે. ત્યાં ગયા રીક્ષામાં, ભૂખ લાગી હતી એટલે સમોસા ઝાપટ્યાં. પછી ખરીદી કરી. ત્યાં જોયું કે સરસ રમકડાં છે, એટલે એક કવિન માટે લીધું. મને યાદ આવ્યું માથાનાં વાળ ધોળાં થતાં જાય છે એટલે હેર કલર લીધો (મારી ઇચ્છા લીલો રંગ લેવાની હતી, પણ લોકો મને ઓળખશે નહી એ ડરે બરગન્ડી લીધો). પછી યાદ આવ્યું કે પાવડર ખલાસ થઇ ગયો છે એટલે તે લીધો. આપણને પાછાં બિસ્કીટ, ચીઝ વગેરે બહુ ભાવે એટલે તે ઉપાડ્યું. વાઇફે કહ્યું કે તેની બહેનની દીકરી માટે કંઇક લેવાનું છે - એટલે બે-ત્રણ નાનાં ઝભલાં લીધાં. અને આમ કરતાં, કરતાં છ મોટી થેલીઓ થઇ. કૂપન હતી તેનાં કરતાં ચાર ગણું બીલ થયું. બહાર નીકળ્યાં તો રીક્ષા જલ્દી મળી નહી, એટલે હાઇવેથી ફરીને મલાડ વેસ્ટમાં રીક્ષા લેવી પડી. ૪૧ રુપિયા વધુ.

પણ, મજા આવી ગઇ ;)

* હવે, પછી વધુ માહિતી સાથે!

ઇન્ટરનેટ વગર ભયંકર કંટાળો આવ્યો એટલે પછી વીકએન્ડ બીઅર કામમાં આવ્યો ;)

* હા, તો ગઇકાલે ઘરે બફાવાની જગ્યાએ અમે (એટલે કે હું અને કુશાલ) ધ ક્રોનિકલ ઓફ નાર્નિયા: પ્રિન્સ કાસ્પિયન મુવી જોયું. સરસ છે. ખાસ કરીને નાનકડી લ્યુસી નો અભિનય એકદમ સરસ છે અને સંવાદો એકદમ સરસ રમૂજી છે. પ્રથમ મુવી પણ ધ ક્રોનિકલ ઓફ નાર્નિયા: ધ લાયન, ઘ વીચ એન્ડ ધ વોર્ડરોબ પણ જોવા જેવું છે.

અને આ બાજુ, કવિને તેની મમ્મીને બચકું ભરી મધર્સ ડેની ઉજવણી કરી!

* આજે કંઇ ખાસ પ્લાન નથી. સાંજે કોઇ જગ્યાએ ગરમ-ગરમ પરોઠા ખાવાની ઇચ્છા છે (લલિતાસ પરોઠા નામની બહુ લોકપ્રિય જગ્યા છે). અને એકાદ બુકશોપમાં જવું છે.

અને હા, ગઇકાલે કર્ણાટકની વિધાનસભાની ચૂંટણી હતી એટલે ડ્રાય-ડે હતો :(