Тарихқа үңілсек қызық мәліметтер көп екен: SOS белгісі бойынша 1909 жылы құтқарылған ең бірінші лайнер «Кунар» деп аталған.

Негізі бұл белгінің шығу тарихы былай екен:

1902 жылы хылықаралық радиотелеграф конференциясында ортақ апат радиобелгісі ретінде мына кодты ұсынады S - S - S - D - D - D . Бірақ түрлі пікірлерге байланысты, ол қабылданбайды. Ол кезде кейбір фирмалардың өз белгілері бар еді, мысалы, «Маркони», фирмасының аппаратурасы орналасқан кемелерде мына белгіні қолданатын – SQD.

Төрт жылдан кейін Берлинде екінші халықаралық конференцфия өтеді. Ол жерде SQD кодын қабылдауды ұсынады, бірақ оған да қарсы шыққандар көп болады. Сол кездек тағы бір неміс фирмасы «Арта» SOE комбинацисын ұсынады, оны да қабылдамайды, өйткені Е бір нүкте арқылы берілетіндіктен, көбінесі естілмей қалады екен. «Титаник» апатқа ұшырағанда корабльдің телеграфисті SQD кодын жібереді, бірақ оған көп назар аударғандар болмайды, ал SOS деген белгіні жібере бастағанда көп кемелер назар аударып көмекке келген екен дейді. Сонымен бірге SOS белгісін жіберу үшін арнайы аппаратура да қажет емес екен.

SOS-тың қысқарған сөз емес екенін тағы айта кетейін. Бірақ оны түсіндіруге тырысқан талпыныстар да аз болмаған: "Save Our Ship", "Save Our Souls", "Save Our Skins", "Save Our Stuff", "Shoot Our Ship", "Shoot On Sight", "Sinking Our Ship", "Survivors On Shore",and "Signal On Sand".

Көбінесе ол мына екі мағынада көп қолданылады: "Save Our Ship" немесе "Save Our Souls".

Төмендегі жазбаны Ruslannnn пікір ретінде жазыпты. Мен бөлек жазба ретінде орнатып отырмын. Ешкім ренжи қоймас.

Қорқынышты жағдайды елестетіп жіберді ғой.
Қараңғы түн. Блогтарға жазуға болатын уақыт аяқталғандықтан, елдің бәрі ертеңгі сағат 9-ды күтіп, ұйқыға кеткен. Бүкіл елдің компьютерінің сөніп, ешкімнің блогтарда "қыдырыс" жасамауын қатаң қадағалап тұрған қарулы күзетшілер...
Прожектор жарығы жетпейтіндей, ағаш арасындағы қараңғылықты пайдаланып, бір көлеңке бұқпантайлап, күзетшілер көзіне түспеуге тырысып кетіп бара жатыр.
- Тоқта, атам! - деген дауыс естілді. "Біткен жерім осы екен" деп ойлаған Самат екі қолын көтеріп тұра қалды.
"Ағатай, үйіме кетіп бара жатыр едім, жұмыста компьютер жөндеймін деп қалып қойыппын, тез арада үйге бару керек болғасын, қараңғыда кетуге мәжбүр болып отырмын, жібере қойшы..."
Күзетшінің бірінің жүзінде жылулық бар екен, кезінде өзінің осылай, компьютер клубтарында контр-страйк ойнап, милиция рейдіне ұсталып қалмау үшін, қашқалақтап жүретіні есіне түсіп, мырс етті де, "Жылдам кет мына жерден, балақай, қазір Блог Цензоры өзі тексеріп жүр, бірақ үйіңе бар!" деп, баланы босатып жіберді.
Сәкең аздап өтірік айтты, әрине. Жұмыста отырып қалғаны рас, бірақ ол үйіне бара жатқан жоқ еді, алда оны Блоггерлер Қозғалысының кездесуі күтіп тұрған еді..
Келісілген пәтерге келіп, есікті әуелі үш рет, сосын бір рет, сосын тағы да екі рет қақты.
- Бұл кім?
- Қоқыс тасушы, бүкіл әлемдік торды тазартып жүрмін..
Тағы да бірнеше шартты сөздермен алмасқан соң, ар жақта сыбыр-күбір естілді де, көзілдірік киген жігіт есікті ашты.
- О, Самат, қош келдің, тезірек кір ішке, - деп, сыбырлай сөйлеп, Саматты ішке өткізіп жіберді де, ішінен кілттеп алды. Есікті мықтап кілттеп, ішкі есікті де жапқасын ғана, Саматтың көзі пәтер ішіне үйренісе алмай тұрғанын байқап, Асхат мониторды қосты. Самат сонда ғана байқады - бөлме ішінде үш компьютер қатар жұмыс жасап тұр екен, жаңа бұл есік қаққанда сөндіріп үлгерген болуы керек. Асхатты бұрыннан таниды, Ұлы Цензура басталғанға дейін, талай блог-конференцияларда бірге болып жүрген, одан кейін Самат астыртын блогшылармен байланысы үзіліп
қалған болатын. Терезе алдында отырған қыздың да түрі таныс сияқты көрінді... Ааа, бұл Айко ғой! Ия, кәдімгі 666Айко999 деген атаққа ие болған партизан қыз, дәл өзі! Ал анау... анау тұрған Арсенал777 мен Техносиндром ба? Самат тап бұларды осы пәтерде кездестірем деп ойламап еді...

ЗЫ. Обшым, шығарма желісін ары қарай ойластыра беріңіздер, мен принтерді жөндеп қайтуым керек болып қалды...

Интернет Альтернатива" басталды. Кісі деген өте көп. Әсіресе таныс блогшыларды кездестіріп қуанып қалдым. Жаңа ғана Бекжанды көрдім. Сұхбат беріп жатыр екен.

Бірінші секция "Интернет және Үкімет" деп аталды. Дискуссия жасалмады. Мені бәрінен бұрын еліміздегі заңдар бойынша барлық сайттар БАҚ ретінде қарастырылатыны таңқалдырды. Блогымыздағы шалыс кеткен әрбір қадамымыз үшін БАҚ туралы заң бойынша жазаланады екенбіз. Құдай бетін аулақ қылсын!

Мен бұйртса, түстен кейін Қазақ блогтарын таныстырамын. Аконың башпайларын көрсетемін :)

Болу яки бордай тозу -

Бар сауалдың түйіні.

Сұм тағдырдың соққысына

Үнсіз төзу иә бұлқыну.

Бес қаруға қол созу,

От құшуға, оққа ұшуға

Басты тігіп ұмтылу ...

Қазір бұл жерде ескерткіш тұр: алаңда шынының артында ақ түсті бос кітап сөрелері бар үлкен бөлме, қасында металдан жасалған тақтайшада Генрих Гейненің 1821 жылы жазған пьесасынан алынған мына жолдар басылған: «Бұл басы ғана. Кітап өртеген жерде, ақыр аяғында адамдарды да өртей бастайды».

Құрметті қазақ блогшылар және оқырмандарымыз, диплом жұмысымның қосымшасына «Қазақ блогтардың Үздік Бестігі» қажет болып тұр. Олардың критерийлері мыналар: блогтың жаңартылуы және жарияланған ақпараттың маңыздылығы. Осы тұста тәжірибе, яғни блогтардың өмір сүру мерзімімен санасу да қажет сияқты.Сонымен, сіздің үздік бестігінізді білгім келеді. Пікір білдіріп, Қазақ блогосферасының Ең Үздік Блогтарын бірге анықтайық.

Сүйікті оқырманыңыз кім? Блогыңызды үнемі оқитын, пікір қалдыратын оқырман емес пе? Солай болса, осы оқырман жайлы сөз етсек...

«Қазақ блогшыларына пікір қалдырып жүргендердің келбетін анықтау» ойы Асхат ағаға келген еді. Былай қарасаңыз, сіздің жазбаларыңызды үнемі оқитындар тек қана блогшы емес, сонымен қатар блогы жоқ болса да, осындағы ақпаратты қызықтайтындар. Мен білетіндерден Айко(толық атын білмеймін), Сәкен, kazakh, Ақшақар, Тоты, Керім...қалғандарын өзіңіз толықтырасыз деп ойлаймын(пікірлер ішінде). Сонымен, осы оқырман үшін блогымда сауалнама жариялаймын, ал сіздер осындай оқырмандардың адрестерін білетін болсаңыз немесе хабарласып жатсаңыз, айта салуыңызды сұраймын!!!

Сұрақтар:

1)     Блогтарды жиі оқисыз ба?

А) күнде

Ә) аптасына 3-4 рет

Б) айына бірнеше рет

2)     Блогтардың авторларымен таныссыз ба?

А) көп блогшылармен жиі хабарласып тұрамын

Ә) мен оқитын блогтардың иелері – жақын дос(тар)ым

Б) жоқ, блогтағы пікірлерді санамағанда араласпаймыз

3)     Қандай қазақ тілді блогтарды оқисыз?

     А) Әдеби(өнер/шығармашылық)тақырыпта

     Ә) Ақпараттық технологиялар тақырыбында

     Б) Діни тақырыпта

     В) Әртүрлі тақырыпта

4)     Қазақ блогтарға не жетіспейді?

А) шеберлік(сапа)

Ә) үнемі жаңартылатын блог саны аз(ұқыптылық)

Б) бәрі бар

В) өз жауабыңыз

5)     Қазақ блогтардың қазіргі жағдайы?

     А) бұрынғымен салыстырғанда жақсырақ

     Ә) бұрынғымен салыстырғанда қызықты жазбалар аз

     Б) әлі де болса көп жұмыс жасау қажет